قازاقستاندىق ءورت سوندىرۋشىلەردىڭ ايلىعى ءوسۋى مۇمكىن

جاڭا جىلدان باستاپ 40 پايىزعا كوتەرىلۋى مۇمكىن.

توتەنشە جاعدايلار ءمينيسترى يۋريي يلين ۇكىمەت كۋلۋارىندا كەلەر جىلدان باستاپ ءورت سوندىرۋشىلەردىڭ ايلىعى ءوسۋى مۇمكىن ەكەنىن ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ. 

«ءقازىر ءورت سوندىرۋشىلەردىڭ ورتاشا جالاقىسى قانشا جانە قاشان كوتەرىلەدى؟» - دەپ سۇرادى جۋرناليستەر مينيستردەن.

«بىرىنشىدەن، ءبىز بۇل ماسەلەنى كوتەرە باستاعاندا، 2019 جىلى ايلىعىمىزدىڭ 65%، ودان كەيىن 10% جانە بيىل 3% كوتەرىلگەنى ءسوز بولدى. ءبىر قاراساڭ، وتە جوعارى كورسەتكىش سياقتى. ءبىراق، سول 2019 جىلى جۇمىسقا جاڭا كىرىسكەن ءورت ءسوندىرۋشى 65 مىڭ تەڭگە الاتىن. ءقازىر ەڭبەك ءوتىلىنسىز، ۇستەمەاقىسىز، تازا ايلىق – 109 مىڭ تەڭگە»، - دەدى ۆەدومستۆو باسشىسى.

ونىڭ ايتۋىنا قاراعاندا، سالا ماماندارىنىڭ ايلىعى باستاپقىدا قازىرگىدەن 40 پايىز كوتەرىلمەك.

«ءقازىر مەملەكەت باسشىسىنىڭ جانە پرەمەر-مينيستردىڭ تاپسىرمالارى بويىنشا ۇلتتىق ەكونوميكا مينيسترلىگىمەن بىرگە ايلىقتى تىم بولماسا 40 پايىز كوتەرۋ ماسەلەسىن پىسىقتاپ جاتىرمىز. ەگەر ىسكە اسسا، جاڭا جىلدان باستاپ قىزمەتكەرلەرىمىزدىڭ ايلىعى وسەدى»، - دەدى يۋريي يلين.