ءادىل ءجۇنىسوۆ، ساياساتتانۋشى:
1 قىركۇيەك كۇنى پارلامەنتتىڭ قوس پالاتاسىنىڭ بىرلەسكەن وتىرىسىندا پرەزيدەنت حالىققا جولداۋ جاسادى. ۇندەۋدە بالالار تۋرالى جاقسى باستامالار ايتىلدى. ناقتىراق ايتقاندا، الداعى ۋاقىتتا ۇلتتىق قوردىڭ 50%-ى دۇنيەگە كەلگەن بالا 18 جاسقا تولعانشا جەكە شوتىنا اۋدارىلىپ وتىرىلاتىن بولادى. بۇل وتە كەرەمەت، ويتكەنى ءبىز بولاشاعىمىزعا كوپ كوڭىل ءبولىپ جاتىرمىز. ەگەر بولاشاعىمىزعا الاڭدايتىن بولساق، وندا بالالاردان باستاۋ كەرەك. پرزەيدەنتتىڭ ۇندەۋى ءبىزدىڭ الەۋمەتتىك ءومىرىمىزدى جاقسارتۋعا باعىتتالعان بولاتىن. ستۋدەنتتەر مەن ءوسىپ كەلە جاتقان بالالارعا كوپ كوڭىل ءبولىندى. دۇرىس! سەبەبى، قىزىل ديپلومى بار كەيبىر جاس ماماندار بازارلاردا جۇمىس ىستەپ، كۇندەرىن كورىپ جاتىر جانە ساۋدا ۇيلەرىندە نەمەسە كۇزەتتە جۇمىس ىستەيدى. ءقازىر بارلىق جاستاردى ماماندىق بويىنشا جۇمىسپەن قامتۋ ءۇشىن وندىرىستىك كۇشتەردى ءبولۋدى ويلاستىرۋ كەرەك. قازىرگى تاڭدا جاستاردىڭ 7%-ى – مۇلدەم جۇمىسسىز. وسى ماسەلەنىڭ ءتۇيىنىن شەشۋ كەرەك. ەڭ الدىمەن، ءوندىرىستى كوتەرۋ قاجەت.