ناتيجەسى - 27،16 سەكۋند.
بۇگىن سامارقاند قالاسىندا تجم ايەلدەر قۇراماسى ءورت ءسوندىرۋ-قۇتقارۋ سپورتى بويىنشا VII الەم چەمپيوناتىنىڭ جاۋىنگەرلىك قانات جايۋدا چەمپيون اتاندى، دەپ حابارلايدى Almaty-akshamy.kz Elorda.info-عا سىلتەمە جاساپ.
ايەلدەردەن قۇرالعان 4 كوماندا جاۋىنگەرلىك قانات جايۋداعى بىرىنشىلىك ءۇشىن جارىستى. ءورت ءسوندىرۋ-قۇتقارۋ سپورتىنىڭ بۇل كوماندالىق ءتۇرى ورتكە كەلگەن كەزدە ءورت سوندىرۋشىلەردىڭ ىس-ارەكەتتەرىن قايتالايدى. بۇل كەزەڭنىن ءمانى – ماگيسترالدىق جەڭقۇبىر جەلىسىن تەز ءارى دۇرىس توسەۋ جانە نىساندى سۋ اعىنىمەن «زاقىمداۋ». نىسانا ورتاسىنداعى تەسىك ارقىلى سىيىمدىلىقتى ون ليتر سۋمەن تولتىرعاننان كەيىن زاقىمدانعان بولىپ سانالادى.
ايەلدەر كوماندالارى اراسىنداعى جارىس قازاقستان قۇراما كومانداسىنىڭ جەڭىسىمەن اياقتالدى. ناتيجەسى 27،16 سەكۋندتى قۇرادى.
2-ورىندى رەسەي فەدەراسياسىنىڭ كومانداسى، 3-ورىندى بەلارۋس جانە وزبەكستان رەسپۋبليكاسىنىڭ قۇراما كوماندالارى يەلەندى.
ەستە سالا كەتەيىك، 1 قازاندا وزبەكستاننىڭ سامارقاند قالاسىندا ەرلەر اراسىندا ءورت ءسوندىرۋ-قۇتقارۋ سپورتىنان XVII الەم چەمپيوناتىنىڭ جانە ءورت ءسوندىرۋ-قۇتقارۋ سپورتىنان ايەلدەر اراسىندا VءىII الەم چەمپيوناتى باستالدى.