ق ر وقۋ-اعارتۋ مينيسترلىگى ورتا ءبىلىم بەرۋ ۇيىمدارىندا 2024–2025 وقۋ جىلىنىڭ باستالۋ مەرزىمىن، ۇزاقتىعىن جانە كانيكۋل كەزەڭدەرىن بەكىتتى.
ورتا ءبىلىم بەرۋ ۇيىمدارىندا 2024 – 2025 وقۋ جىلى 1 قىركۇيەكتە باستالىپ، 25 مامىردا اياقتالادى، دەپ حابارلايدى almaty-akshamy.kz.
ءبىرىنشى توقساندا وقۋ ۋاقىتى 8 اپتا. كۇزگى كانيكۋل 28 قازاننان باستاپ 3 قاراشانى قوسا العاندا 7 كۇنگە سوزىلادى.
ەكىنشى توقساندا وقۋ ۋاقىتى 8 اپتانى قۇرايدى. قىسقى كانيكۋل 2024 جىلدىڭ 30 جەلتوقسانىندا باستالادى جانە 2025 جىلدىڭ 8 قاڭتارىن قوسا العاندا كۇنتىزبەلىك 10 كۇنگە جالعاسادى.
ءبىرىنشى سىنىپ وقۋشىلارى ءۇشىن ءۇشىنشى توقساندا 2025 جىلعى 10 اقپاننان 16 اقپاندى قوسا العانعا دەيىنگى ۋاقىتتا ۇزاقتىعى 7 كۇندى قۇرايتىن قوسىمشا دەمالىستار بەرىلەدى.
ءۇشىنشى توقسان 10 وقۋ اپتاسىنان تۇرادى. ال،11 كۇندىك كوكتەمگى كانيكۋل 2025 جىلدىڭ 21 ناۋرىزىندا باستالىپ، 31 ناۋرىزدى قوسا العانعا دەيىن جالعاسادى.
ءتورتىنشى توقساننىڭ ۇزاقتىعى 8 وقۋ اپتاسىن قۇرايدى. سونداي-اق 25 مامىردا وقۋ جىلى قورىتىندىلانادى.
