جەتى كۋبوكتى جەڭىپ الدى.
باكۋدە وتكەن SAF-2022 روبوت-تەحنيكا فەستيۆالىندە قازاقستاندىق وقۋشىلار جەڭىس تۇعىرىنان كورىندى. بۇل ءسۇيىنشى حاباردى باعدات مۋسين ءوزىنىڭ Telegram ارناسىندا جازدى، دەپ حابارلايدى Almaty-akshamy.kz.
اۋقىمدى فەستيۆالگە 350 كوماندا، 1300 قاتىسۋشى، 8 مەملەكەت (ءازىربايجان، تۇرىكمەنستان، ەستونيا، شۆەسيا، ۇلىبريتانيا، وزبەكستان، تۇركيا) قاتىستى. قازاقستاندىقتار ءتۇرلى ماراپاتتار مەن جۇلدەلى ورىندارعا يە بولدى.
حالىقارالىق باقىلاۋشىلار كوماندالاردىڭ ونەر كورسەتۋ دەڭگەيىن جوعارى باعالادى. وتانداستارىمىز Vex Robotics Competition سالاسى بويىنشا وتكەن باسەكەدە باسىمدىق تانىتىپ، نەگىزگى 7 كۋبوكتى جەڭىپ الدى.
جاسوسپىرىمدەر ساناتىندا 1729X NEW EMPIRE كومانداسى بىرلەسكەن جارىستا 2ء-شى ورىندى، ال، جەكە دارا سايىستا 3ء-شى ورىندى يەلەندى. ال، 1729K LSF قازاقستاندىق جاسوسپىرىمدەر توبى كوماندالىق جۇمىستا 3ء-شى ورىنعا، سونداي-اق جەكە دارا جارىستا 2ء-شى ورىنعا تۇراقتادى.
جارىستىڭ شەشۋشى كەزەڭدەرىنە 3 كوماندا قاتىسىپ، بارلىعى دا مارەگە شىقتى. جوعارى سىنىپ وقۋشىلارى كوماندالىق جانە جەكە ساناتتاعى باسەكەدە ءبىرىنشى ورىنعا يە بولدى.
ايتا كەتسەك، ساتبايەۆ اتىنداعى ۋنيۆەرسيتەت ستۋدەنتتەرگە تەحنيكالىق قولداۋ كورسەتتى، وقۋشىلاردىڭ جول ءجۇرۋ شىعىندارى قاتىسۋشىلاردىڭ وتباسىلارى ەسەبىنەن وتەلدى.
«وقۋشىلارىمىزدىڭ وسىنداي جەتىستىكتەرى بارشامىزعا قۋانىش سىيلايدى. ولاردى شىن جۇرەكتەن جەڭىستەرىمەن قۇتتىقتايمىن! كەلەشەكتە دارىندى جاستار بىلىمدەرى مەن شەبەرلىكتەرىن شىڭداپ، ەلىمىزدىڭ يگىلىگى ءۇشىن ەڭبەك ەتەتىنىنە سەنىمدىمىن. بالالاردى الەمدىك جارىسقا دايىنداۋعا قولداۋ كورسەتكەن - Satbayev University مەن حالىقارالىق روبوت-تەحنيكا اكادەمياسىنا العىسىمدى بىلدىرەمىن»، - دەپ جازدى مينيستر.