انتيكور نازاربايەۆتىڭ تۋىستارىن تەكسەرىپ جاتقانى راس پا؟

ماماندار ءقازىر بۇل تۋرالى ايتۋ قيىن ەكەنىن ايتتى.

انتيكور ماماندارى تۇڭعىش پرەزيدەنتتىڭ تۋىستارىنا قاتىستى ماتەريالدى جيناپ جاتىر ما؟ بۇل سۇراققا جاۋاپتى سىبايلاس جەمقورلىق اگەنتتىگى ءتوراعاسىنىڭ ورىنباسارى ۇلان سارقۇلوۆ بەردى، دەپ حابارلايدى Almaty-akshamy.kz Baq.kz سىلتەمە جاساپ. 

كەلەسى جىلدىڭ باسىندا تۇڭعىش پرەزيدەنت پەن ونىڭ تۋىستارىنا قاتىستى زاڭنىڭ كۇشى جويىلاتىنى بەلگىلى. «انتيكور تۇڭعىش پرەزيدەنتتىڭ تۋىستارىنا قاتىستى ماتەريالدى جيناپ جاتىر ما؟» دەگەن سۇراققا جاۋاپ بەردى. 

«ءقازىر بۇل تۋرالى ايتۋ قيىن. زاڭنامالىق نورمالار بار ەكەنىن ءتۇسىنۋ كەرەك. دالەلدەر بولۋى قاجەت. بارلىق ماسەلە قۇقىقتىق ورىستە شەشىلەدى. بارلىعى وسىنى تۇسىنگەنى دۇرىس»، - دەپ اتاپ ءوتتى اگەنتتىك ءتوراعاسىنىڭ ورىنباسارى سەناتتىڭ جالپى وتىرىسىنان كەيىن كۋلۋاردا جۋرناليستەرگە بەرگەن سۇحباتىندا.

سونداي-اق الداعى ۋاقىتتا ولار (ەلباسىنىڭ تۋىستارى – رەد.) جاۋاپكەرشىلىككە تارتىلۋى مۇمكىن بە دەگەن سۇراققا توقتالدى.

«دالەلدەر بازاسى بولۋى ءتيىس. مۇمكىن بە، جوق پا، ول تۋرالى ەشتەڭە ايتا المايمىن. ءيا، بارلىق ازاماتتار سەكىلدى، ولاردى دا (جاۋاپقا) تارتۋى مۇمكىن»، - دەدى ۇلان سارقۇلوۆ.