تاجىكستان رەسپۋبليكاسىنىڭ استاناسى دۋشانبەدە 5-9 قاراشا ارالىعىندا وتكەن KhIMIO2025 حالىقارالىق ماتەماتيكا جانە ينفورماتيكا وليمپياداسىندا قازاقستاندىق وقۋشىلار جوعارى ناتيجە كورسەتىپ، ەل قورجىنىنا سەگىز مەدال سالدى. بايقاۋعا 10 مەملەكەتتەن دارىندى وقۋشىلار قاتىستى.
قازاقستان قۇراماسى ەكى جاس ساناتىندا 14-15 جاس (7-8 سىنىپ) جانە 16-18 جاس (9-11 سىنىپ) ارالىعىنداعى وقۋشىلاردان قۇرالدى. ناتيجەسىندە قازاقستاندىقتار ءجۇز پايىزدىق كورسەتكىشكە قول جەتكىزدى، - دەپ حابارلايدى Aqshamnews.kz.
جوعارى جاس ساناتى (9-11 سىنىپ):
مانسۋر ماماداحۋنوۆ – قىزىلوردا وبلىستىق «ءبىلىم-يننوۆاسيا» ليسەي-ينتەرناتى (ينفورماتيكا)؛
الديار سەيتباي – استانا قالاسىنىڭ دارىندى ەر بالالارعا ارنالعان «ءبىلىم-يننوۆاسيا» ليسەي-ينتەرناتى (ينفورماتيكا)؛
ءالي ەركەبۇلان ۇلى – فمب نازاربايەۆ زياتكەرلىك مەكتەبى، الماتى (ماتەماتيكا)؛
بەردىبەك ورىنباسار – اتىراۋ وبلىستىق №1 «ءبىلىم-يننوۆاسيا» ليسەي-ينتەرناتى (ماتەماتيكا).
كىشى جاس ساناتى (7-8 سىنىپ):
احمەت بەردىمۇرات – اقتوبە وبلىستىق «ءبىلىم-يننوۆاسيا» مامانداندىرىلعان ليسەي-ينتەرناتى (ماتەماتيكا)؛
تەمىر ورازبەك – رەسپۋبليكالىق فيزيكا-ماتەماتيكا مەكتەبى، الماتى (ماتەماتيكا)؛
ازامات راحيمبەردييەۆ – اتىراۋ وبلىستىق №1 «ءبىلىم-يننوۆاسيا» ليسەي-ينتەرناتى (ينفورماتيكا)؛ يسلام ەرمۋحانوۆ – اقتوبە وبلىستىق «ءبىلىم-يننوۆاسيا» ليسەي-ينتەرناتى (ينفورماتيكا).
وليمپيادانىڭ جۇمىس تىلدەرى – اعىلشىن، ورىس جانە تاجىك تىلدەرى. قاتىسۋشىلار ماتەماتيكا مەن ينفورماتيكا پاندەرى بويىنشا تەوريالىق جانە پراكتيكالىق تۋرلاردا بىلىمدەرىن سىنادى.
قازاقستان قۇراماسىنىڭ وليمپياداعا قاتىسۋى وقۋ-اعارتۋ مينيسترلىگىنىڭ تىكەلەي قولداۋىمەن، سونداي-اق «دارىن» رەسپۋبليكالىق عىلىمي-پراكتيكالىق ورتالىعىنىڭ ۇيىمداستىرۋىمەن جۇزەگە استى.