ىشكى ىستەر مينيسترلىگى "قاراسورا-2025" رەسپۋبليكالىق وپەراسياسىنىڭ ناتيجەسىن شىعاردى.
ول ەسىرتكىنىڭ زاڭسىز اينالىمىنا قارسى باعىتتالعان. وعان ماۋسىم - قازان ايلارى ارالىعىندا پوليسيا، ىشكى ىستەر مينيسترلىگى ۇلتتىق ۇلانىنىڭ جانە قورعانىc مينيسترلىگىنىڭ قىزمەتكەرلەرى قاتىستى، - دەپ حابارلايدى Aqshamnews.kz Polisia.kz-كە سىلتەمە جاساپ.
تىكۇشاقتار، دروندار جانە سپۋتنيك كوورديناتالارى جۇمىلدىرىلدى. جالپى: - 3،5 مىڭ ەسىرتكى قۇقىق بۇزۋشىلىعى انىقتالدى، - 27 توننادان استام ەسىرتكى تاركىلەندى، - قۇرامىندا ەسىرتكىسى بار وسىمدىكتەردىڭ 110 مىڭنان استام بۇتالارى جويىلدى، - 4 ۇيىمداسقان قىلمىستىق توپ، ونىڭ ىشىندە ءبىر ترانسۇلتتىق توپ قۇرىقتالدى، - 6 ەسىرتكى زەرتحاناسى جويىلدى. ەسىرتكى جەتكىزۋدىڭ 50 ىشكى ارناسى جابىلدى.
وڭىرلەر بويىنشا جارقىن مىسالدار:
- جامبىل وبلىسىندا 200 كيلوگرامنان استام ماريحۋانا تاركىلەندى.
- الماتى اۋەجايىندا ءۇندىستان ازاماتى انىقتالدى. ول ەلگە 3 كەلى ماريحۋانانى الىپ كىرمەك بولعان.
- جەزقازعاندا 100 كەلى ماريحۋانا تاركىلەندى.
- قىزىلوردا وبلىسىندا سالماعى 300 كەلى بولاتىن 928 ءتۇپ قاراسورا انىقتالدى.
"زاڭ مەن ءتارتىپ" قاعيداتىن ىسكە اسىرۋ اياسىندا ەسىرتكى قىلمىسىنا قارسى ءىس-قيمىل كوميتەتى ازاماتتاردىڭ دەنساۋلىعىن قورعاۋ جانە قوعامدىق قاۋىپسىزدىكتى نىعايتۋ بويىنشا جۇيەلى جۇمىستى جالعاستىرادى. ەسىرتكى جولىنا تۇسكەن ءاربىر ادام انىق ءتۇسىنۋى ءتيىس: جازادان قۇتىلۋ مۇمكىن ەمەس.