قازاقستاندىق وقۋشىلار جەنيەۆادان التىن مەدالمەن ورالدى

FIRST GLOBAL CHALLENGE تۋرنيرىنە 180 مەملەكەت قاتىستى.

قازاقستاندىق مەكتەپ وقۋشىلارى بەدەلدى روبوتوتەحنيكا جارىستارىندا ءبىرىنشى ورىندى جەڭىپ الدى، دەپ حابارلايدى Almaty-akshamy.kz

17 جاستاعى باعدارلاماشى جانتورە بيسەنعالي روبوتتىڭ مەحانيزمى تۋرالى اڭگىمەلەپ بەردى. روبوت باسقارۋداعى ماشينا ءپرينسيپى بويىنشا جۇمىس ىستەيدى. ءبىراق ول قوسىمشا فۋنكسيالاردى دا ورىندايدى.

«دجويستيك driverhub جۇيەسىنە قوسىلعان. بۇل - Android-تەلەفون، پلانشەت. ول باسقارۋ حابىنا Wi-Fi ارقىلى قوسىلعان، ونى روبوتتىڭ ميى دەپ اتاۋعا بولادى»، - دەيدى جانتورە بيسەنعالي.

قازاقستاندىق كوماندانىڭ قۇرامىندا 15 پەن 17 جاس ارالىعىنداعى بەس وقۋشى بار. بايقاۋدىڭ تاقىرىبى - جاھاندىق جىلىنۋ. ءۇي روبوتى كومىرقىشقىل گازىن مۇمكىندىگىنشە جىلدامدىقپەن ءسىڭىرۋى كەرەك ەدى، ونىڭ ءرولىن قاراپايىم پلاستيكالىق شارلار اتقاردى.

«ءبىزدىڭ روبوت بىرنەشە رەت ەڭ جوعارى كورسەتكىشكە قول جەتكىزدى. جارىسقا جينالعان ۇپايلار بويىنشا رەكوردتى بىرنەشە رەت جاڭارتتىق. بىزگە ءبىرازى تاڭعالدى، ويتكەنى ولار قازاقستان تۋرالى ءجيى ەستىمەيتىن ەدى. بۇل جولى مۇمكىندىگىنشە ءوز بىلىكتىلىگىمىزدى، كاسىبيلىگىمىزدى كورسەتۋدى ءجون كوردىك»، - دەدى كوماندانىڭ مۇشەسى مارعۇلان تۇرعانبەك.

سونىمەن بىرگە جارىستاردا قازاقستان بىردەن ءۇش جوعارى ماراپاتقا يە بولعان جالعىز ەل بولدى: ەڭ جوعارى بالل جيناعانى ءۇشىن، قوزعالىستى دامىتۋعا قولداۋ كورسەتكەنى ءۇشىن جانە روبوتتىڭ تەحنيكالىق شەبەرلىگى ءۇشىن.