ونىڭ 75 مىڭى تۇراقتى جۇمىسقا تۇرعان.
قازاقستاندا 210 مىڭنان استام جاس جۇمىسپەن قامتىلدى، دەپ حابارلايدى ق ر ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ.
جاستار «العاشقى جۇمىس ورنى» جانە «ۇرپاقتار كەلىسىمشارتى» جوبالارى، قوعامدىق جۇمىستار، «باستاۋ بيزنەس» جوباسى بويىنشا كاسىپكەرلىك نەگىزدەرىنە وقىتۋ جانە گرانت الۋ باعدارلامالارى ارقىلى جۇمىسقا ورنالاستى. بۇل جوبالار ماماندىعى بويىنشا تاجىريبەسى جوق، جاقىندا وقۋىن اياقتاعان، سونداي-اق NEET ساناتىنا جاتاتىن 16-28 جاس ارالىعىنداعى جاستارعا ارنالعان.
«جاستار پراكتيكاسىن ۇيىمداستىرۋ شەڭبەرىندە سوڭعى ءۇش جىل ىشىندە وقۋىن اياقتاعان جوعارى وقۋ ورىندارى مەن كوللەدجدەردىڭ تۇلەكتەرى قاتارىنداعى جۇمىسسىزدارعا قولداۋ كورسەتىلەدى. 2022 جىلى جۇمىسقا ورنالاسقاندار سانى 25،3 مىڭ ادامدى قۇرادى، ونىڭ 44%-ى جۇمىس بەرۋشىدە تۇراقتى نەگىزدە بەكىتىلدى»، - دەلىنگەن حابارلامادا.
تەك مەكتەپ ءبىلىمى بار نەمەسە جاقىندا ماماندىعى بويىنشا وقۋىن بىتىرگەن جاستارعا «العاشقى جۇمىس ورنى» جوباسى بويىنشا جۇمىسقا ورنالاسۋعا مۇمكىندىگى بار. «ۇرپاقتار كەلىسىمشارتى» جوباسى زەينەتكەرلىك جاسقا دەيىنگى قىزمەتكەرلەردەن باستاپ جاس ماماندارعا تاجىريبە مەن ءبىلىم بەرۋدى كوزدەيدى. بۇل شارا اياسىندا 3،8 مىڭ جاس جۇمىسپەن قامتىلعان.
ال 30،7 مىڭنان استام جاس قوعامدىق جۇمىسقا ورنالاستىرىلدى.
جاستار اراسىندا كاسىپكەرلىك باستامالاردى دامىتۋ ماقساتىندا 58 مىڭنان استام ادام بيزنەس جۇرگىزۋ داعدىلارىنا يە بولدى، ونىڭ 6 مىڭىنا ءوز ءىسىن باستاۋعا گرانتتار بەرىلدى.
جۇمىس بەرۋشىلەردىڭ سۇرانىسى بويىنشا (وقۋ ورنىندا نەمەسە جۇمىس ورنىندا) قىسقا مەرزىمدى وقۋعا 3،3 مىڭ ادام جىبەرىلدى، ولار وقۋ اقىسى تۇرىندە مەملەكەتتىك قولداۋمەن، سونداي-اق ستيپەنديامەن جانە وقۋ ورنىنا بارىپ كەلۋگە، تۇرۋعا جانە مەديسينالىق تەكسەرۋدەن وتۋگە ماتەريالدىق كومەكپەن قامتاماسىز ەتىلدى. ونىڭ ىشىندە 1220 ادام وقۋدى اياقتادى، ونىڭ 985ء-ى جاڭا ماماندىق بويىنشا تۇراقتى جۇمىسقا ورنالاستىرىلدى.
5 مىڭنان استام جاس Skills.Enbek پورتالىندا ونلاين وقىتۋدان ءوتۋ ارقىلى قۇزىرەتتىلىكتەرىن ارتتىرىپ، داعدىلاردى يگەردى.