يرلانديانىڭ دۋبلين قالاسىندا وتكەن IGeO-2024 گەوگرافيا بويىنشا حالىقارالىق وليمپيادادا قازاقستاندىق وقۋشىلار جوعارى ناتيجەلەرگە قول جەتكىزدى.
وعان الەمنىڭ 50 ەلىنەن 200-گە جۋىق وقۋشى قاتىستى.، دەپ حابارلايدى aqshamnews.kz.
وقۋ-اعارتۋ مينيسترلىگىنىڭ مالىمتىنشە، ءبىزدىڭ كوماندا 100% ناتيجە كورسەتىپ، ءبىر كۇمىس جانە ءۇش قولا مەدال جەڭىپ الدى: اقجول بولات — تالدىكورعان قالاسىنداعى فمب نزم 11-سىنىپ وقۋشىسى؛ جومارت سابىر — جامبىل وبلىسىنداعى دارىندى بالالارعا ارنالعان مامانداندىرىلعان «دارىن» ليسەي-ينتەرناتىنىڭ 11-سىنىپ وقۋشىسى؛ ارسەن سىدىقوۆ — شىمكەنت قالاسىنداعى حبب نزم 11-سىنىپ وقۋشىسى؛ قانات سەرىكباي — شىمكەنت قالاسىنداعى حبب نزم 11-سىنىپ وقۋشىسى. كوماندا جەتەكشىلەرى: نۇرلان جۇماگەلدى — «دارىن» رعپو ديرەكتوردىڭ ورىنباسارى جانە ماقسات اۋباكيروۆ — «دارىن» رعپو ءبولىم باسشىسى. وقۋشىلارىمىزدى جەڭىستەرىمەن قۇتتىقتايمىز جانە تولاعاي تابىستار تىلەيمىز!
انىقتاما ءۇشىن: IGeO وليمپياداسى 1996 جىلدان باستاپ حالىقارالىق گەوگرافيالىق وداقتىڭ (IGU) قولداۋىمەن وتكىزىلىپ كەلەدى.