قازاقستاندىق وقۋشىلار دۇنيەجۇزىلىك وليمپيادادا جەڭىمپاز بولدى

جارىسقا 80-نەن استام مەملەكەتتىڭ وقۋشىلارى قاتىسقان.

پاناما قالاسىندا وتكەن روبوتوتەحنيكا بويىنشا دۇنيەجۇزىلىك «World Robot Olympiad» وليمپياداسىندا قازاقستاندىق وقۋشىلار جەڭىمپاز اتاندى، دەپ حابارلايدى Almaty-akshamy.kz وقۋ-اعارتۋ مينيسترلىگىنە سىلتەمە جاساپ.

مينيسترلىكتىڭ مالىمەتىنشە، سايىستا 80-نەن استام مەملەكەتتىڭ 10-19 جاس ارالىعىنداعى 6-11 سىنىپ وقۋشىلارى ب ا ق سىناعان.

روبوتوتەحنيكادان دۇنيەجۇزىلىك وليمپيادانىڭ قورىتىندىسى بويىنشا، قازاقستاندىق ءۇش كوماندا جۇلدەگەر اتاندى.

ولار:

2 ورىن (كۇمىس) «Future Engineers» كاتەگورياسىندا – استانالىق 10-سىنىپ وقۋشىلار انسار ساۋربايەۆ جانە امير كارابايەۆ؛

3 ورىن (قولا) «Robo Mission» كاتەگورياسىندا – استانا قالاسىنىڭ 8-9 سىنىپ وقۋشىلارى ۆاگيز ديسەمبايەۆ پەن جانارىس كاپاروۆ؛

3 ورىن (قولا) «Future Engineers» كاتەگورياسىندا – قىزىلوردا قالاسىنىڭ 11-سىنىپ وقۋشىلارى ماكسيم ۋسولسيەۆ پەن دىنمۇحامەد ابدييەۆ.

دۇنيەجۇزىلىك روبوتتار وليمپياداسى ەڭ العاش 2004 جىلى سينگاپۋردا 1-روبوتتار سايىس- فەستيۆالى رەتىندە وتكەن بولاتىن. قازاقستان بۇل وليمپياداعا 2014 جىلدان بەرى قاتىسىپ كەلەدى.