كولۋمبيا الەمدە ءبىرىنشى بولىپ «زياندى تاعامدار» تۋرالى زاڭ قابىلدادى.
مۇنداي ءونىم وندىرۋشىلەرگە سالىق سالماقشى. دەنساۋلىققا ءقاۋىپتى ازىق-تۇلىك قاتارىنا چيپس، شوكولاد، تۇزى كوپ ونىمدەر جاتقىزىلعان، دەپ حابارلايدى Almaty-akshamy.kz 24.kz-كە سىلتەمە جاساپ.
ۇكىمەت زاڭنىڭ حالىق دەنساۋلىعىن جاقسارتۋ ءۇشىن قابىلدانعانىن ايتادى. وعان ساراپشىلار مەن بەلسەندىلەر قولداۋ بىلدىرگەن. ءبىراق كەي ماماندار قۇجات ەلدەگى ينفلياسيا جانە كەدەيشىلىكپەن كۇرەسۋگە كەدەرگى كەلتىرەدى دەيدى. ال سالىق بىرتىندەپ ەنگىزىلمەك. ونىڭ كولەمى بيىل 10، كەلەسى جىلى 15 پروسەنت بولماق. بۇعان دەيىن پەرۋ مەن ەكۆادور دا قانتى مەن مايى كوپ ازىق-تۇلىككە ايرىقشا بەلگىلەر سالۋ تۋرالى شەشىم قابىلداعان ەدى.