ۇلتتىق قاۋىپسىزدىك كوميتەتىنىڭ بۇرىنعى ءتوراعاسى كارىم ءماسىموۆ اقشا جىمقىردى جانە اسا ءىرى كولەمدە پارا الدى دەگەن كۇدىككە ءىلىندى، دەپ حابارلايدى اlmaty-akshamy.kz.
"ۇلتتىق قاۋىپسىزدىك كوميتەتى كارىم ماسىموۆكە قاتىستى قىلمىستىق كودەكستىڭ 208 بابى "قىلمىستىق جولمەن الىنعان اقشانى جانە وزگە مۇلىكتى زاڭداستىرۋعا دەلدالدىق ەتۋ" جانە 366 باپ "اسا ءىرى مولشەردە پارا الۋ" باپتارىندا كوزدەلگەن قىلمىستىق قۇقىق بۇزۋشىلىقتار بويىنشا سوتقا دەيىنگى تەرگەپ-تەكسەرۋدى جالعاستىرىپ جاتقانىن حابارلايمىز"، - دەلىنگەن حابارلامادا.
وسىعان وراي، قىلمىستىق اتقارۋ كودەكسىنىڭ 92-بابىنىڭ 3-بولىگىنە سايكەس سوتتالعان كارىم ءماسىموۆ پروكۋراتۋرانىڭ سانكسياسىمەن قىلمىستىق ءىس اياسىنداعى ءبىرقاتار تەرگەۋ ارەكەتتەرىن جۇرگىزۋ ءۇشىن استانا قالاسى ۇلتتىق قاۋىپسىزدىك كوميتەتىنىڭ ۋاقىتشا ۇستاۋ يزولياتورىنا قامالدى.
ايتا كەتەيىك، سوت قاۋلىسىمەن كارىم ءماسىموۆ قىلمىستىق كودەكستىڭ 175-بابىنىڭ 1-بولىگىمەن "مەملەكەتكە وپاسىزدىق جاساۋ"، 179-بابىنىڭ 3-بولىگى “بيلiكتi كۇشپەن باسىپ الۋعا نەمەسە بيلiكتi كۇشپەن ۇستاپ تۇرۋعا باعىتتالعان ارەكەتتەر”، 362-بابىنىڭ 4-بولىگىنىڭ 3-تارماعىمەن “ءوزi نەمەسە باسقا ادامدار نەمەسە ۇيىمدار ءۇشىن پايدا مەن ارتىقشىلىقتار الۋ نە باسقا ادامدارعا نەمەسە ۇيىمدارعا زيان كەلتiرۋ” بويىنشا كىنالى دەپ تانىلىپ، ۇكىمدەردى ءىشىنارا تولىقتىرىپ، تۇپكىلىكتى 18 جىلعا باس بوستاندىعىنان ايىرۋ جازاسى تاعايىندالدى. سونداي-اق مۇلكى تاركىلەنىپ، مەملەكەتتىك قىزمەتتە لاۋازىمداردى اتقارۋ قۇقىعىنان ءومىر بويىنا ايىرىلعان بولاتىن.