درون-فۋتبول - حالىقارالىق سپورت ءتۇرى. 5 ادامنان تۇراتىن 2 كوماندا ماچتى تورمەن جابىلعان ستاديوندا وينايدى.
تەحنولوگيانىڭ تۇرلەنۋىمەن كەڭ تانىمالدىققا يە بولىپ كەلە جاتقان چەمپيوناتتا قازاقستان قۇراماسى العاش رەت ب ا ق سىنايدى، دەپ حابارلايدى Aqshamnews.kz.
چەمپيونات درون-سپورت استاناسى سانالاتىن وڭتۇستىك كورەيانىڭ چوندجۋ قالاسىندا 25 - 28 قىركۇيەك كۇندەرى وتەدى.
چەمپيوناتتاعى ءار كوماندانىڭ مىندەتى قارسىلاستىڭ قاقپاسىنا (اۋادا ءىلۋلى تۇرعان ساقينا) مۇمكىندىگىنشە كوپ گول سوعۋ. ويىنعا ارنالعان دروندار سوقتىعىسۋدان قورعاۋ ءۇشىن ارنايى ەكزوسكەلەتپەن جابدىقتالعان.ماچ 3 راۋندتان تۇرادى. دروندار سوقتىعىسادى، كۇرت ءمانوۆر جاسايدى، قورعانادى جانە شابۋىلدايدى. ال قاۋىپسىزدىك ماسەلەسى دە نازاردان تىس قالمايدى: درون تەك ارەنا ىشىندە ۇشادى، تورەشىلەردىڭ قاداعالاۋىمەن جانە ەرەجەلەردى قاتاڭ ساقتاي وتىرىپ جۇرگىزىلەدى.
قازاقستان اتىنان №82 «دارىن» مامانداندىرىلعان ليسەيى، №8 مەكتەپ-ليسەيى، Skillset جەكە مەنشىك مەكتەبىنىڭ قۇرامالارى قاتىسادى.
ايتا كەتەيىك، وڭتۇستىك كورەيادا درون-فۋتبول نەبارى بىرنەشە جىلدىڭ ىشىندە مەكتەپتىك باستامادان اۋقىمدى قوزعالىسقا اينالعان. بۇل ەلدە 1000-نان استام مەكتەپ جانە ۋنيۆەرسيتەت كوماندالارى جاساقتالعان، ال FIDA فەدەراسياسى 35-تەن استام ەلدى بىرىكتىرەدى. چوندجۋداعى الەم چەمپيوناتىنا ونداعان ۇلتتىق قۇراما مەن جۇزدەگەن سپورتشى تىركەلگەن.
جەرلەستەرىمىز ەلگە ورالعان سوڭ استانادا وتەتىن Digital Bridge 2025 كورمەسىنىڭ قۇرمەتتى قوناعى بولادى: حالىقارالىق قوناقتارعا شەبەرلىك ساباقتارىن وتكىزىپ، درون-فۋتبولدان كورسەتىلىمدىك ماچتارعا قاتىسادى.
ۇيىمداستىرۋشىلاردىڭ پايىمداۋىنشا، بۇل جارىس 2025–2026 ماۋسىمىن اشىپ، تۇراقتى مەكتەپتەردەگى جاتتىعۋلار مەن قالالىق ليگالاردىڭ باستاماسى بولادى.