الماتىنىڭ قالا كۇنىنە وراي مۋلتيمەديالىق ءداستۇرلى مۋزىكا ورتالىعىندا «الماتى – ارمان قالا» اتتى كونسەرت ءوتتى.
ساحناعا جۇرگەنوۆ اتىنداعى قازاق ۇلتتىق ونەر اكادەمياسىنىڭ ستۋدەنتتەرى شىعىپ، حالىق اندەرى مەن اسپاپتىق تۋىندىلار ورىندادى، دەپ حابارلايدى Aqshamnews.kz.
«قالا كۇنىنە ءبىز ءارقاشان ەرەكشە باعدارلاما ازىرلەۋگە تىرىسامىز. مۇنداي كونسەرتتەر جاس تالانتتارعا ءوزىن تانىتۋعا مۇمكىندىك بەرىپ، كورەرمەندى ۇلتتىق ونەرگە باۋرايدى»، – دەدى ورتالىق جەتەكشىسى رۋزا قاجەنوۆا.
ونەر اكادەمياسىنىڭ ستۋدەنتى گۇلىم يزماعانييەۆا اسەرىن جاسىرمادى:
– قالا كۇنى – مەنىڭ ەڭ سۇيىكتى مەرەكەلەرىمنىڭ ءبىرى. بۇگىن حالىق اندەرىن ورىنداپ، كورەرمەن الدىندا ونەر كورسەتكەنىمە قۋانىشتىمىن. بۇل اندەر ماعان ەرەكشە جىلىلىق سىيلايدى.
كورەرمەن ءار ءنومىردى ىستىق ىقىلاسپەن قابىلدادى. ال ۇيىمداستىرۋشىلاردىڭ ايتۋىنشا، ورتالىقتا مۇنداي كونسەرتتەر تۇراقتى تۇردە وتكىزىلىپ، مەكتەپ وقۋشىلارى مەن ستۋدەنتتەردىڭ ۇلتتىق مادەنيەتپەن جاقىن تانىسۋىنا مۇمكىندىك بەرەدى.
