قازاقستاندىق ونەرتاپقىش ەرەكشە قۇلاققاپ ويلاپ تاپتى

قازاقستاندىق ونەرتاپقىشتار بىرنەشە سەكۋندتا كۇيزەلىستەن شىعۋعا كومەكتەسەتىن نەيروقۇلاققاپتار ويلاپ تاپتى.

جوبانى 5 جىل بويى عالىمدارمەن بىرلەسىپ زەرتتەگەن. گادجەت كوپشىلىك نازارىنا يننوپروم حالىقارالىق كورمەسىندە ۇسىنىلدى. سيفرلىق مەديتاسيا. قازاقستاندىق ونەرتاپقىشتار يننوپروم حالىقارالىق كورمەسىندە نەيروقۇلاققاپتار ۇسىندى. قۇرىلعىدا 10 رەجيم بار، 6 سەكۋندتان 3 مينۋتقا دەيىن ۋاقىت ارالىعىندا ادامنىڭ جۇيكە جۇيەسىن تىنىشتاندىرىپ، تىنىعىپ الۋعا مۇمكىندىك بەرەدى.

«ءبىز ادامدارعا كۇيزەلىستەن شىعۋعا، از ۋاقىت ىشىندە كومەكتەسۋگە مۇمكىندىك بەرەتىن ءادىس ىزدەدىك. ناتيجەسىندە وسىنداي نەيروقۇلاققاپتار ويلاپ تاپتىق. بۇل گادجەت مەملەكەتتىك قىزمەتشىلەرگە دە، مەديسينالىق مەكەمەلەرگە دە، ءتىپتى بارلىق جەردە جاقسى كومەكتەسەدى»، - دەيدى جوبا اۆتورى قانات نۇرىمبەكوۆ.

جوبانى ىسكە اسىرۋ ءۇشىن 5 جىل ۋاقىت كەتتى. ءقازىر ماماندار اسفەندياروۆ اتىنداعى ۇلتتىق مەديسينا ۋنيۆەرسيتەتىنىڭ بازاسىندا زەرتتەۋ جۇرگىزىپ جاتىر. ازىرلەۋشىلەر گادجەتتى رەلاكساسيا بولمەلەرىندە قولدانىلاتىن مەديسينالىق قۇرىلعى رەتىندە ۇسىنۋدى جوسپارلاپ وتىر.

«دەنساۋلىققا اسەر ەتپەيدى. جوبانى ءبىز پسيحولوگيا تۇرعىسىنان عانا ەمەس، مەديسينا جاعىنان دا زەرتتەدىك. عالىمدارمەن بىرگە جۇمىس ىستەدىك. شەتەلدەن دە ماماندار تارتتىق. ءبىز ءۇشىن ەڭ باستىسى – ادامداردىڭ دەنساۋلىعى. ءالى دە ءبىرقاتار زەرتتەۋ جۇرگىزەمىز»، - دەيدى جوبا اۆتورى، پسيحولوگ جۇلدىز جاندەلەيەۆا.