دوكتورانتۋراعا قۇجاتتار قابىلداۋ باستالدى

قۇجات قابىلداۋ 3 تامىزىنا دەيىن جالعاسادى

ءتۇسۋ ەمتيحانىنا قاتىسۋعا تىركەلۋ ق ر عجبم ۇلتتىق تەستىلەۋ ورتالىعىنىڭ سايتىندا  وتەدى، دەپ حابارلايدى Almaty-akshamy.kz.

دوكتورانتۋراعا ءتۇسۋ ءۇشىن تەك ءبىر جوعارى وقۋ ورنى مەن ءبىلىم بەرۋ باعدارلامالارىنىڭ ءبىر توبىن عانا تاڭداۋعا بولادى.

ەگەر تۇسۋشىگە بەرىلگەن وتىنىشكە (تەستىلەۋدى تاپسىرۋ قالاسى، ءبىلىم بەرۋ باعدارلامالارىنىڭ توبى، تەستىلەۋدى تاپسىرۋ ءتىلى) وزگەرىستەر ەنگىزۋ قاجەت بولعان جاعدايدا، وعان وتىنىشتەردى قابىلداۋ جۇيەسى جابىلعانعا دەيىن (3 تامىزعا دەيىن) ءوتىنىشتى وڭدەۋ نەمەسە جويۋ مۇمكىندىگى بەرىلەدى. تەستىلەۋدى وتكىزۋ ورنى مەن ۋاقىتى تۋرالى اقپارات ءتۇسۋشىنىڭ جەكە كابينەتىندە 9 تامىزدا قولجەتىمدى بولادى.

ءتۇسۋ ەمتيحانىنا ەسسە جازۋ، دوكتورانتۋراعا دايىندىق تەستى جانە ءبىلىم بەرۋ باعدارلاماسى توبىنىڭ بەيىنى بويىنشا ەمتيحان كىرەدى. جالپى، ءتۇسۋ ەمتيحانىنىڭ ەڭ جوعارى كورسەتكىشى 100 بالل، ونىڭ ىشىندە اڭگىمەلەسۋ – 20 بالل، ەسسە – 10 بالل، دوكتورانتۋرادا وقۋعا دايىندىعىن انىقتاۋعا ارنالعان تەست – 30 بالل، بەيىنى بويىنشا ەمتيحان سۇراقتارى – 40 بالدى قۇرايدى. ال مەملەكەتتىك ءبىلىم بەرۋ تاپسىرىسى بويىنشا كونكۋرسقا قاتىسۋ ءۇشىن جانە اقىلى نەگىزدە دوكتورانتۋراعا ءتۇسۋ ءۇشىن شەكتى بالل 75 بالدى قۇرايدى.

سونداي-اق 2022 جىلدان باستاپ دوكتورانتۋراعا ءتۇسۋ ءۇشىن شەت ءتىلىن ءبىلۋ سەرتيفيكاتىنان باسقا، قازتەست جۇيەسى بويىنشا مەملەكەتتىك ءتىلدى مەڭگەرگەنىن راستايتىن سەرتيفيكات ۇسىنۋ قاجەت.