وندىرۋشىلەردىڭ جاڭا نارىقتى يگەرۋدەگى مۇمكىندىگى ارتتى.
قازاقستان ۇكىمەتى وتاندىق وندىرۋشىلەر حالال سەرتيفيكاتىن قالاي الا الاتىنى جايىندا ايتتى، دەپ حابارلايدى Almaty-akshamy kz.
مامانداردىڭ ايتۋىنشا، ول ءۇشىن وندىرۋشىلەر كەلەسى قۇجاتتار جيىنتىعىمەن ق ر سيم ترمك قازستاندارتقا رەسمي تۇردە ءوتىنىم بەرۋ قاجەت:
- وندىرىستىك-تەحنولوگيالىق قۇجاتتار؛
- ءونىمدى سىناۋ حاتتامالارى.
«ازيا، ەاەو جانە تمد ەلدەرىنىڭ كاسىپكەرلەرى ءوز ونىمدەرىنىڭ يسلام ستاندارتتارىنا سايكەستىگىن باعالاۋ ءۇشىن قازستاندارت الاڭىن پايدالانا الادى جانە وسىلايشا پارسى شىعاناعى ەلدەرىنىڭ نارىقتارىنا قولجەتكىزە الادى»،- دەلىنگەن ساۋدا جانە ينتەگراسيا مينيسترلىگىنىڭ حابارلاماسىندا.
قازاقستان رەسپۋبليكاسى پرەمەر-مينيسترىنىڭ باا-گە ساپارى اياسىندا قازاقستان ءباا حالىقارالىق اككرەديتتەۋ ورتالىعىنان حالال ونىمدەرىن سەرتيفيكاتتاۋدى جۇرگىزۋگە «قازستاندارتتى» اككرەديتتەۋ تۋرالى رەسمي قۇجات العانىن ەستەرىڭىزگە سالا كەتەمىز.