قازاقستاندا توڭازىتقىش جانە اۋا باپتاۋ جۇيەسىن دامىتۋ كوزدەلىپ وتىر

الماتىدا رەسەي، وزبەكستان، قىرعىزستاننان كەلگەن عالىمدار كەزدەستى.

قازاقستاندا توڭازىتقىش جانە اۋا باپتاۋ جۇيەلەرىن دامىتۋ قولعا الىنباق، دەپ حابارلايدى Almaty-akshamy.kz Almaty.tv سىلتەمە جاساپ. 

ويتكەنى ەلدە سالىنىپ جاتقان ءتۇرلى عيماراتتارعا جىلىتقىش پەن سالقىنداتقىش ورناتۋ قاجەتتىلىگى ارتا باستاعان. "سوندىقتان بۇل سالادا شەتەلدىكتەرگە تەلمىرمەي، وتاندىق مامانداردى دايارلاۋ قاجەت"، - دەيدى عالىمدار. دەگەنمەن كاسىبي كادرلارمەن بىرلەسە تاجىريبە الماسۋ دا اسا ماڭىزدى. بۇگىن الماتىدا رەسەي، وزبەكستان، قىرعىزستاننان كەلگەن عالىمدار كەزدەسىپ، اۋانى جىلىتۋ جانە سالقىنداتۋ تەحنولوگياسىن تالقىلادى. ايتا كەتەيىن، بيىل العاش رەت الماتى تەحنولوگيالىق ۋنيۆەرسيتەتىندە وسى ماماندىقتى ۇيرەتەتىن ارنايى فاكۋلتەت اشىلدى.

«بۇل ەرەكشە كونفەرەنسيا دەر ەدىم. سەبەبى، مۇندا عىلىم - ءبىلىم - بيزنەس - ءوندىرىس سىزباسى نەگىزىندە قۇرىلعان. ماقساتىمىز – عىلىم مەن بيزنەستى بىر-بىرىمەن ەتەنە بايلانىستىرۋ. ياعني، عىلىمي جۇمىستاردىڭ كاسىپتە قولدانىسقا جاراۋى ماڭىزدى. بۇگىنگى شاراعا تمد ەلدەرى عانا ەمەس، شەتەلدىك ماماندار دا قاتىسىپ وتىر. پاندەمياعا بايلانىستى بىلتىر كەزدەسۋ مۇمكىن بولمادى. تاجىريبەلەرمەن ءبولىسۋ ءۇشىن 7 سەرىكتەس كومپانيا كەلدى»، – دەدى قازاقستاننىڭ توڭازىتقىش ونەركاسىبى قاۋىمداستىعىنىڭ پرەزيدەنتى الەكساندر سوي.