ىسكەرلىك بەلسەندىلىك يندەكسى جەلتوقساندا 49،2 بولدى
قازاقستان قارجى نارىعىندا ىسكەرلىك بەلسەندىلىك يندەكسى ديناميكاسىنىڭ ءبىرشاما جاقسارعانى بايقالادى، الايدا يندەكس بۇرىنعىسىنشا تەرىس ايماقتا تۇر. بۇل تۋرالى ۇلتتىق بانك اقشا-كرەديت ساياساتى دەپارتامەنتىنىڭ ديرەكتورى رۇستەم ورازالين ايتتى، دەپ حابارلايدى Almaty-akshamy.kz.
ماماننىڭ مالىمەتىنشە، لوگيستيكاداعى پروبلەمالار مەن جەتكىزۋ ىسىندەگى كىدىرىستەر – ىسكەرلىك بەلسەندىلىكتى تەجەيتىن نەگىزگى سەبەپتەردىڭ ءبىرى. ىسكەرلىك بەلسەندىلىك يندەكسى جەلتوقساندا 49،2 بولدى.
«جاڭا تاپسىرىستار مەن جاڭا ءونىم كولەمى ۇلعايۋى ەسەبىنەن وندىرىستە ىسكەرلىك بەلسەندىلىك ارتتى. مۇندا يندەكس 50،4-كە دەيىن كوتەرىلدى (قاراشادا – 49،0). قالعان سەكتورلاردا يندەكس 50 شاماسىنان تومەن قالىپتاستى. بۇل رەتتە قۇرىلىستا كورسەتكىشتىڭ 46،9-عا دەيىن ءبىرشاما جاقسارعانى بايقالادى (قاراشادا – 45،1). قىزمەت كورسەتۋ سەكتورىندا كورسەتكىش 49،4 (قاراشادا – 49،3) كۇيىندە قالىپ، اسا وزگەرىس بايقالمادى. تاۋ-كەن ونەركاسىبىندە جاڭا ءونىم كولەمى، جۇمىسپەن قامتۋ دەڭگەيىنىڭ تومەندەۋى جانە جەتكىزۋ مەرزىمىنىڭ ۇلعايۋى ەسەبىنەن ىسكەرلىك بەلسەندىلىك 47،3-كە دەيىن تومەندەدى (قاراشادا – 48،7)»، - دەپ ءتۇسىندىردى ۇلتتىق بانك وكىلى.
2022 جىلعى جەلتوقساندا كاسىپورىنداردىڭ بيزنەس جۇرگىزۋدىڭ بولاشاق جاعدايلارىنا قاتىستى كۇتۋلەرى ناشارلاعانىمەن، جالپى وڭ پوزيسيادا بولدى. كاسىپورىندار بۇگىنگى بيزنەس جاعدايلاردى ءالى دە تەرىس باعالاپ وتىر. ءسويتىپ، بۇگىنگى جانە بولاشاق بيزنەس جاعدايلاردىڭ ورتاشا باعاسىن بىلدىرەتىن بيزنەس-احۋال يندەكسى 2،6-عا دەيىن تومەندەدى. الايدا، بيزنەس-سيكل «ساعاتىنىڭ» ينديكاتورى ءوسۋ ايماعىندا قالدى.
كاسىپورىندار كوممۋنيكاسيالارعا قولجەتىمدىلىك پەن دايىن ونىمگە دەگەن سۇرانىستى وڭ باعالادى. بيزنەس جاعدايلارىنىڭ قالعان فاكتورلارىندا (سالىق جۇكتەمەسى، قارجىعا/كرەديتكە قولجەتىمدىلىك، بيزنەستى قورعاۋ ماسەلەلەرى) تەرىس باعا باسىم.