الماتى-وسكەمەن تاسجولىنىڭ ءۇشارال قالاسى مەن شىعىس قازاقستان ءوڭىرى ارالىعى جابىلدى.
ەلىمىزدىڭ 7 وڭىرىندەگى رەسپۋبليكالىق ماڭىزى بار 34 تاسجول ۋچاسكەسى جابىق، دەپ حابارلايدى Almaty-akshamy.kz «قازاۆتوجول» ۇلتتىق كومپانياسىنا سىلتەمە جاساپ.
اقمولا وڭىرىندە استانا-قابانباي باتىر-كييەۆكا-تەمىرتاۋ تاسجولىنىڭ قابانباي باتىر اۋىلى مەن قاراعاندا ءوڭىرى شەكاراسى ارالىعى جابىق تۇر.
جەتىسۋ وڭىرىندە ءۇشارال-دوستىق كۇرە جولىنىڭ كوكتۇما بەكەتىنەن دوستىق بەكەتىنە دەيىنگى ارالىعى جابىق. سونىمەن قاتار، الماتى-وسكەمەن تاسجولىنىڭ ءۇشارال قالاسى مەن شىعىس قازاقستان ءوڭىرى ارالىعى جابىلدى.
شىعىس قازاقستان وڭىرىندە 15 جول ۋچاسكەسى جابىلدى. ولاردىڭ قاتارىندا ومبى-مايقاپشاعاي، سەمەي-قاينار، الماتى-وسكەمەن، تاسكەسكەن-باحتى تاسجولدارى بار.
جامبىل وڭىرىندە الماتى-تاشكەنت-تەرمەز تاسجولىنىڭ كەنەن اۋىلىنان قاينار اۋىلىنا دەيىنگى ارالىعى جابىلدى.
قاراعاندى وڭىرىندە توعىز كۇرە جولدىڭ ۋچاسكەلەرى ءالى دە جابىق تۇر. شەكتەۋ قاراعاندى مەن بالقاش اراسىندا، اقمولا ءوڭىرىنىڭ شەكاراسىنان تەمىرتاۋ قالاسىنا دەيىنگى ارالىقتا، قاراعاندى مەن پاۆلودار اراسىندا، باستاۋ اۋىلى مەن تەمىرتاۋ اراسىندا ەنگىزىلدى.
قوستاناي وڭىرىندە ۇلىتاۋ ءوڭىرىنىڭ شەكاراسىنان ارقالىق قالاسىنا دەيىنگى ارالىق جابىق تۇر.
پاۆلودار وڭىرىندە قاراعاندى وبلىسىنىڭ شەكاراسىنان شىدەرتى اۋىلىنا دەيىنگى ارالىق، قالقامان اۋىلىنان قاراعاندى ءوڭىرىنىڭ شەكاراسىنا دەيىنگى ارالىق، كەنجەكول اۋىلىنان اباي ءوڭىرىنىڭ شەكاراسىنا دەيىنگى ارالىق، اقسۋ قالاسىنان اباي ءوڭىرى شەكاراسىنا دەيىنگى ارالىعى جابىق.