«بۇكىل ساقتاندىرۋ پروسەدۋرالارى وتكىزىلگەن بولاتىن. اتالعان 6 تانكەردەگى مۇنايدىڭ قازاقستانننان شىققانى تۋرالى سەرتيفيكاتتاردى تۇركيا تاراپىنا بەرىلدى. ءقازىر ديالوگ جالعاسىپ جاتىر. مەن كەشە كەشكە ءبىزدىڭ سىرتقى ىستەر مينيسترىمەن دە، انكاراداعى ەلشىمەن دە سويلەستىم. ءبىزدىڭ ديپلوماتتار بىزگە ءتيىستى، قاجەتتى كومەك كورسەتىپ جاتىر. ماسەلە 1-2 كۇندە شەشىلەدى دەگەن ءۇمىتىمىز بار. ساقتاندىرۋ تۋرالى ايتساق، ونىڭ باسىم بولىگى بريتانيالىق، ەۋروپالىق كومپانيالار. ساقتاندىرۋ پروسەدۋرالى تياناقتى تىندىرىلعان»، - دەدى «قازمۇنايگاز» باسشىسى.

ونىڭ ايتۋىنشا، ماسەلە جۋىقتا شەشىمىن تاپسا، بۇشل جاعداي قازاقستان مۇنايىنىڭ باعاسىنا كەرى اسەر ەتپەۋى كەرەك.

«بۇل ءبىزدىڭ ەكونوميكامىزعا ەشقانداي شىعىن اكەلمەيتىنىن ايتتىم. ويتكەنى جىل سايىن جەلتوقسان ايىندا بوسفوردان تانكەرلەردىڭ ءوتۋ ۋاقىتى 14 كۇنگە دەيىن بارادى. ەكونوميكاعا شىعىن ءبىز مۇناي ءوندىرۋ كولەمىن قىسقارتىپ جاتساق كەلەر ەدى. ياعني، بۇعان دەيىن قانشا قارقىنمەن مۇناي شايقاساق، ءقازىر دە سول كولەمدە شايقاپ جاتىرمىز. تەك تانكەرلەرگە تيەلىپ، بوسفور ارقىلى اقىرىنداپ جىلجىپ جاتىر»، - دەدى ماعزۇم مىرزاعالييەۆ.

سونداي-اق ول قازاقستان مۇحيتقا بوسفور ارقىلى عانا ەمەس، قارا تەڭىز ارقىلى دا شىعا الاتىنىن ەسكە سالدى.

«رۋمىنيا جانە بولگاريا باعىتتارى بار. ءقازىر جاعداي شەتىن دەۋگە كەلمەيدى. ءبىراق ءقازىر ءبىز ونى شەشۋمەن قىزۋ اينالىسىپ جاتىرمىز. بۇل ماسەلە جۋىق ارادا شەشىلەدى دەپ ويلايمىز. سوندىقتان ءبىزدىڭ باعالاۋىمىزعا مۇناي باعاسىندا كورىنىس تاپپاۋى كەرەك. قازىرگى تاۋەكەل شەكتەن تىس ءبىر مەجەدەن اسىپ كەتكەن جوق»، - دەدى «قازمۇنايگاز» باسشىسى.