مۇددەلى تاراپتارمەن كەلىسسوزدەر جۇرگىزىلۋدە.
سوعىس ءجۇرىپ جاتقان ۋكراينادا قازاقستاننىڭ جۇك ۆاگوندارى قالىپ قويعان. قازىرگى كەزدە ماماندار وسى ۆاگونداردى ەلدە قايتارۋ ءۇشىن ارەكەتتەنىپ جاتىر، دەپ حابارلايدى Almaty-akshamy.kz.
2022 جىلعى 5 ناۋرىزداعى دەرەكتەر بويىنشا، ۋكراينا اۋماعىندا قازاقستاندىق مەنشىك يەلەرىنىڭ 1000-نان استام جۇك ۆاگونى تۇرىپ قالدى.
سونىمەن قاتار، ۋكرايناعا بارار جولدا ءارتۇرلى جۇكتەر تيەلگەن 680 ۆاگون توقتاتىلعان. ونىڭ ىشىندە 371 ۆاگون كەشە باسقا باعىتتارعا جىبەرىلدى.
«حالىقارالىق تاسىمالداۋدا تۋىنداعان ماسەلەلەر بويىنشا جەدەل ارەكەت ەتۋ ءۇشىن ق ر ييدم، «قازاقستان تەمىر جولى» ۇك» اق جانە ەلىمىزدىڭ تەڭىز پورتتارى جانىنان "جەدەل جەلى" اشىلدى. مۇددەلى تاراپتارمەن كەلىسسوزدەر جۇرگىزىلۋدە»، - دەلىنگەن ق ر ييدم باسپا ءسوز قىزمەتىنىڭ حابارلاماسىندا.