5 جىل مەرزىمگە ەلدەن شىعارىلدى.
الماتىدا تاكسيست بولىپ جۇرگەن تاجىكستان ازاماتى وتانىنا جەر اۋدارىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
كوشى-قون زاڭناماسىن بۇزۋ دەرەكتەرىن انىقتاۋ ماقساتىندا مەدەۋ اۋداندىق پب كقب قىزمەتكەرلەرى ءموبيلدى توپتار قۇردى.
«22 جاستاعى م.ەسىمدى ازامات جولاۋشىلاردى تاسىمالداۋ قىزمەتىن پايدالانا وتىرىپ، ءتيىستى رۇقساتسىز جەكە تاسىمالداۋمەن اينالىسقان. قازىرگى ۋاقىتتا ازامات ق ر اقبك-نىڭ 517-بابى 5-بولىگىمەن اكىمشىلىك جاۋاپكەرشىلىككە تارتىلدى. ءمااس قاۋلىسىمەن تاجىكستان ازاماتى 5 جىل مەرزىمگە ەلدەن شىعارىلدى»، – دەدى مەدەۋ اۋداندىق پب كوشى-قون قىزمەتى ءبولىمىنىڭ باسشىسى تيمۋر نوعايبايەۆ.
سونىمەن قاتار، ول ق ر اقبك-نىڭ 463-بابىنا سايكەس سالىق سالۋ سالاسىنداعى قۇقىق بۇزۋشىلىقتارى ءۇشىن دە اكىمشىلىك جاۋاپكەرشىلىككە تارتىلادى.