وسى ماقساتتا ارنايى جوبا پيلوتتىق رەجيمدە ىسكە قوسىلدى.
قازاقستاننىڭ يندۋستريا جانە ينفراقۇرىلىمدىق دامۋ مينيسترلىگى قۇرىلىس سالاسىنداعى ساپا مەن اشىقتىقتى باقىلاۋدى كۇشەيتۋ بويىنشا جۇمىس جۇرگىزۋدە، دەپ حابارلايدى Almaty-akshamy.kz.
«بۇگىنگى تاڭدا «ە-Qyrylys» ءبىرىڭعاي قۇرىلىس پورتالى ەنگىزىلگەن. اتالعان جۇيە وزەكتى مالىمەتتەردى جەدەل جيناۋ جانە باقىلاۋدى اۆتوماتتاندىرۋ ارقىلى عيماراتتار، قۇرىلىستار مەن اۆتوموبيل جولدارى قۇرىلىسىنىڭ ساپاسىن جوعارىلاتۋعا، سونداي-اق مەملەكەتتىك ورگانداردىڭ قۇرىلىس سالاسى سۋبەكتىلەرىمەن ءوزارا ءىس-قيمىلىنىڭ تيىمدىلىگى مەن اشىقتىعىن ارتتىرۋعا مۇمكىندىك بەرەدى»،- دەلىنگەن يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتىنىڭ حابارلاماسىندا.
قۇرىلىس پورتالى اقپاراتتىق قاۋىپسىزدىك سىناعىنان ءوتىپ، ونەركاسىپتىك پايدالانۋعا ەنگىزىلدى.
جۇيە پيلوتتىق رەجيمدە 83 اۆتوموبيل جولدارى جوباسى مەن 80 تۇرعىن ءۇي جوباسىندا جۇزەگە اسىرىلدى. بۇعان دەيىن پورتالدىڭ مەملەكەتتىك فۋنكسيالاردى جۇرگىزۋ بويىنشا مودۋلدەرى ىسكە قوسىلدى. اتاپ ايتقاندا، قۇرىلىس تىزىلىمدەرى جۇكتەلدى، تىزىلىمدەرگە وزگەرىستەر مەن تولىقتىرۋلار ەنگىزۋ ءراسىمى اۆتوماتتاندىرىلدى، تەحنيكالىق قاداعالاۋ ەسەپتىلىگى ەلەكتروندىق فورماتقا اۋىستىرىلدى جانە ساراپشىلاردى تەستىلەۋ اۆتوماتتاندىرىلدى.
جالپى، پورتال بارلىق كەزەڭدەردەگى قۇرىلىس پروسەستەرىن ونلاين-رەجيمدە باقىلاۋعا مۇمكىندىك بەرەدى.
«ە-شاڭىراق» جۇيەسى تۋرالى ايتار بولساق، جوبانى ىسكە اسىرۋ مەملەكەتتىك-جەكەمەنشىك ارىپتەستىك تەتىگى بويىنشا بيۋدجەتتىك قارجىلاندىرۋسىز جەكە باستاما بويىنشا جۇزەگە اسىرىلادى. بۇگىنگى تاڭدا 3 IT-كومپانيامەن ينتەگراسيا بويىنشا جۇمىستار جۇرگىزىلۋدە. كوزدەلگەن نەگىزگى ماقسات — ءۇيدى باسقارۋ جونىندەگى نارىقتىق قوسىمشالاردان، مەملەكەتتىك دەرەكتەر بازالارىنان جانە تابيعي مونوپوليالار سۋبەكتىلەرىنىڭ اقپاراتتىق جۇيەلەرىنەن الىنعان ۇلكەن دەرەكتەردى تالداۋ ەسەبىنەن باسقارۋشىلىق شەشىمدەر قابىلداۋدىڭ تيىمدىلىگىن ارتتىرۋ.
ايتا كەتەرلىگى، پورتال تۇرعىن ۇي-كوممۋنالدىق سەكتورىندا شاشىراڭقى جۇيەلەردەن اقپاراتتىڭ ورتالىقتاندىرىلعان شوعىرلانۋىن قامتاماسىز ەتەدى.