قازاقستاندىق جاس زىلتەمىرشى ازامات تولەگەن تاشكەنتتە ءوتىپ جاتقان اۋىر اتلەتيكادان جاسوسپىرىمدەر اراسىنداعى ازيا چەمپيوناتىنىڭ قولا مەدالىنە يە بولدى، دەپ حابارلايدى Almaty-akshamy.kz.
رەسپۋبليكالىق اۋىر اتلەتيكا فەدەراسياسىنىڭ باسپا ءسوز قىزمەتى مالىمدەگەندەي، 61 كەلىگە دەيىنگى سالماق دارەجەسىندە ازامات تولەگەن التى ءتاسىلدىڭ بەسەۋىن ءساتتى قولدانىپ، 262 كەلىدەگى قورىتىندى سالماقپەن جارىستى اياقتادى.
الىنعان ناتيجە قازاقستاندىق زىلتەمىرشىگە قوسسايىس ەسەبىندە قولا مەدالىن، سونداي-اق سەرپۋدە كىشى كۇمىس مەدالدى جەڭىپ الۋعا مۇمكىندىك بەردى.
ەسكە سالا كەتسەك، 18 شىلدەدە ەراسىل عۇماروۆ 55 كەلىگە دەيىنگى سالماق دارەجەسىندە ءۇشىنشى ورىندى يەلەنىپ، قازاقستان قورجىنىنا ءبىرىنشى مەدال سالعان ەدى.