اسكەري قىزمەتشىلەر ميناسىزداندىرۋدىڭ قىر-سىرىن ۇيرەنىپ جاتىر.
قازاقستان رەسپۋبليكاسى قارۋلى كۇشتەرىندە بىتىمگەرلىك قىزمەتتى دامىتۋ مەن ونىڭ شەڭبەرىن كەڭەيتۋ اياسىندا قونايەۆ گارنيزونىنداعى ميناسىزداندىرۋ ورتالىعىندا «جارىلماعان وق-دارىلەردى زالالسىزداندىرۋ» اتتى پيلوتتىق كۋرس ءوتىپ جاتىر، دەپ حابارلايدى Almaty-akshamy.kz ق ر قورعانىس مينيسترلىگىنە سىلتەمە جاساپ.
بۇۇ-نىڭ بىتىمگەرلىك وپەراسيالار دەپارتامەنتى ساراپشىلارىنىڭ قاتىسۋىمەن ۇيىمداستىرىلعان ترەنينگكە ءار وڭىردەن كەلگەن قازاقستان قارۋلى كۇشتەرىنىڭ 20-دان استام اسكەري قىزمەتشىسى قاتىسۋدا.
كۋرستىڭ نەگىزگى ماقساتى – جەكە قۇرامدى بىتىمگەرلىك ميسسيا نەمەسە وپەراسيا جاعدايىندا ميناسىزداندىرۋ توپتارىنىڭ جۇمىس ستاندارتتارىمەن جانە ەرەجەلەرىمەن تانىستىرۋ.
ساباق بارىسىندا اسكەري قىزمەتشىلەر ميناسىزداندىرۋ بولىمشەلەرىن قامتاماسىز ەتۋدى جوسپارلاۋ، ۇيىمداستىرۋ جانە ولاردى قولدانۋ ەرەجەلەرىن زەردەلەيدى.
كۋرس قورىتىندىسى بويىنشا بىتىمگەرلىك وپەراسيالار دەپارتامەنتىنىڭ وكىلدەرى باعا بەرىپ، كۋرسقا بۇۇ-نىڭ ستاندارتتارىنا سايكەستىك سەرتيفيكات بەرۋ مۇمكىندىگىن قاراستىراتىن بولادى.