قازاقستاندىق ماماندار مەملەكەتتىك ماڭىزى بار جولداردى جودەپ جاتىر

ولار جولدار بويىندا 855،331 كم قورعانىس قورشاۋلارىن ورناتتى. 

ۇستىمىزدەگى جىلى قازاقستاندىق ماماندار 500 شارشى مەترگە جۋىق اۋماقتا جوندەۋ جۇمىستارىن جۇرگىزۋدى كوزدەپ وتىر، دەپ حابارلايدى Almaty-akshamy.kz. 

«بيىل رەسپۋبليكالىق ماڭىزى بار جولداردىڭ 473 مىڭ شارشى مەتر اۋماعىندا جوندەۋ جۇمىستارى جوسپارلانىپ وتىر. جۇمىستار جول توسەمىن قالپىنا كەلتىرۋ جانە قاۋىپسىزدىكتى قامتاماسىز ەتۋگە باعىتتالعان كەشەندى-ماقساتتى باعدارلاما شەڭبەرىندە جۇرگىزىلۋدە»، - دەلىنگەن يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتىنىڭ حابارلاماسىندا. 

وسىلايشا، الماتى وبلىسىندا 60 مىڭ شارشى مەتر جولدا شۇڭقىرلاردى جوندەۋ  جۇمىستارى جۇرگىزىلەتىن بولادى. قازىرگى ۋاقىتتا جۇمىستار "الماتى - تالعار - بايدىبەك بي"، "الماتى – شەلەك - قورعاس" باعىتتارى بويىنشا ءوڭىردىڭ نەگىزگى تۋريستىك جانە ەكونوميكالىق كلاستەرلەرىنە اپاراتىن جولداردا جۇزەگە اسىرىلىپ جاتىر.  

قازاقاۆتوجول ماماندارىنىڭ ايتۋىنشا، بۇگىنگى تاڭدا 10 مىڭعا جۋىق جول بەلگىلەرى مەن 400-گە جۋىق اقپاراتتىق پاننونى ورناتۋ جانە اۋىستىرۋ جۇمىستارى باستالىپ كەتكەن. سونىمەن بىرگە 23 مىڭنان استام سيگنال بەرەتىن باعانالار ورناتۋ، شامامەن 2700 شارشى مەتر شۋ جولاقتارىن ورناتۋ جوسپارلانعان. كولىك جۇرەتىن جولدىڭ 30 426 شاقىرىمىنا جول بەلگىلەرى سالىنادى. سونداي-اق، كوپىرلەردە 336 مەتر قورشاۋلار، 27 مىڭعا جۋىق جارىق شاعىلىستىرعىشتار مەن 290 جول بۋفەرلەرى ورناتىلۋدا.

ءىس-شارا بارىسىندا سونداي-اق ءۇي مالدارىنىڭ جولدىڭ كولىك جۇرەتىن جولاعىنا شىعۋىنا قاتىستى ماسەلەلەر كوتەرىلدى. ماسەلەن، 2022 جىلدىڭ ءبىرىنشى توقسانىندا 11 جول-كولىك وقيعاسى تىركەلىپ، ناتيجەسىندە 15 ادام زارداپ شەككەن، ال ۇشەۋى قازا تاپقان. وسىعان بايلانىستى كومپانيا قىزمەتكەرلەرى رەسپۋبليكالىق ماڭىزى بار جولدار بويىندا 855،331 كم قورعانىس قورشاۋلارىن ورناتتى.