وسى ارقىلى جەر قۇنارلىلىعىنىڭ كورسەتكىشتەرىن انىقتاۋعا بولادى.
اۋىل شارۋاشىلىعىنىڭ ماماندارى جەردىڭ ساپاسىن انىقتاۋ ماقساتىندا تەكسەرۋ جۇمىستارىن جۇرگىزىپ جاتىر، دەپ حابارلايدى Almaty-akshamy.kz.
«ق ر اۋىل شارۋاشىلىعى مينيسترلىگى ەلىمىزدىڭ اگروونەركاسىپتىك كەشەنىن دامىتۋدىڭ وزەكتى باعىتتارىنىڭ ءبىرى رەسۋرس ۇنەمدى ەگىنشىلىكتى دامىتۋدى، جايىلىمداردى ۇتىمدى پايدالانۋدى، جايىلىمداردى سۋلاندىرۋ جانە ولاردىڭ توزۋى مەن شولەيتتەنۋىنە قارسى كۇرەس جونىندەگى ءىس-شارالاردى جۇرگىزۋدى قاراستىرىپ جاتىر»، - دەلىنگەن اشم باسپا ءسوز قىزمەتىنىڭ حابارلاماسىندا.
جەر رەسۋرستارىن ۇتىمدى پايدالانۋ اۋىل شارۋاشىلىعىندا جانە تۇتاستاي ەل ەكونوميكاسىندا ۇلكەن ماڭىزعا يە. اۋىل شارۋاشىلىعىندا ءونىم الۋ جەردىڭ ساپالىق جاعدايىمەن، ونى پايدالانۋ سيپاتى مەن جاعدايىنا تىكەلەي بايلانىستى.
ۆەدومستۆو جۇيەلى نەگىزدە جەردى توپىراقتىق جانە گەوبوتانيكالىق زەرتتەۋ جۇرگىزەدى. 2017 جىلدان باستاپ 2021 جىلعا دەيىن 33 ملن گا الاڭدا اۋقىمدى توپىراق زەرتتەۋلەرى، 33 ملن گا الاڭدا گەوبوتانيكالىق زەرتتەۋلەر جانە 30 ملن گا الاڭدا توپىراق بونيتيروۆكاسى جۇرگىزىلدى.
جۇرگىزىلگەن جۇمىستار قاراشىرىكتىڭ، جالپى فوسفور مەن ازوتتىڭ، كاليي مەن فوسفوردىڭ جىلجىمالى قوسىلىستارىنىڭ قۇرامىن، قىشقىلدىعىن نەمەسە سىلتىلىگىن، سورتاڭدانۋىن، كاربوناتتىعىن، تۇزدانۋىن جانە توپىراقتىڭ مەحانيكالىق قۇرامىن (جەر قۇنارلىلىعىنىڭ كورسەتكىشتەرى) انىقتاۋعا مۇمكىندىك بەردى، ولاردى ءبىلۋ اۋىل شارۋاشىلىعىمەن اينالىسۋ كەزىندە قاجەت.
دەرەكتەر نەگىزىندە ارنايى اتتەستاتتالعان زەرتحانالاردا جۇرگىزىلەتىن مۇقيات تالداۋلار نەگىزىندە ازىرلەنگەن جەردى ۇتىمدى پايدالانۋ ءۇشىن قاجەتتى ۇسىنىمدار قالىپتاستىرىلدى.
جەردى ۇتىمدى پايدالانۋ جونىندەگى ۇسىنىمدار قامتىلعان تۇسىندىرمە جازبالارى بار بارلىق ماتەريالدار مەن دەرەكتەر ودان ءارى پايدالانۋ ءۇشىن تۇراقتى نەگىزدە وبلىستىق جانە اۋداندىق اكىمدىكتەردىڭ جەر قاتىناستارى جونىندەگى ۋاكىلەتتى ورگاندارىنا بەرىلەدى.
جەر رەسۋرستارىنىڭ ونىمدىلىگىن ساقتاۋ، ەكوجۇيەنىڭ فۋنكسيالارى مەن قىزمەتتەرىن قولداۋ جانە قاجەتتىلىكتەردى قاناعاتتاندىرۋ الەۋمەتتىك-ەكونوميكالىق مىندەت قانا ەمەس، سونىمەن قاتار قازىرگى جانە بولاشاق ۇرپاق الدىنداعى جاۋاپكەرشىلىك بولىپ تابىلادى.