ۇيدە بالاعا قوسىمشا سترەسس تۋدىراتىن جاعداي جاساماۋ كەرەك. وتپەلى جاس - ادامنىڭ پسيحيكاسىنىڭ دامۋى ءۇشىن قالىپتى كەزەڭ.
بالانىڭ وتپەلى جاسى - ادام پسيحيكاسىنىڭ دامۋىنىڭ قالىپتى كەزەڭى. بۇل كەزەڭ بالالاردىڭ «بۇزىلعانىن» جانە «جاعدايىنىڭ ءتۇسىپ كەتكەنىن» بىلدىرمەيدى، بار بولعانى ونىڭ باسىمدىقتارى وزگەرگەنىن كورسەتەتىنىن NEWS.ru-گە بەرگەن سۇحباتىندا پەداگوگ-پسيحولوگى ميلا ليەۆچۋك ايتتى.
ەگەر بۇرىنىراقتا بالالار اتا-اناسىن ابىروي ساناپ، سولارعا ۇقساۋعا تىرىسسا، ءقازىر ولار ءۇشىن وزدەرىنىڭ قاتارلاستارىنىڭ مارتەبەسى جوعارى. مۇنداي قابىلداۋدى وزگەرتۋ مۇمكىن ەمەس، دەگەنمەن اتا-اناسى بالانىڭ جاعىنا ءوتىپ، ونىڭ قيىن كەزەڭنەن ءوتىپ جاتقانىنا تۇسىنىستىك تانىتىپ، الاڭداۋلى ەكەنىن بىلدىرۋگە بولادى.
پسيحولوگ جاسوسپىرىمدەر وتپەلى كەزەڭدە ۇنەمى كۇيزەلىستە جۇرەتىنىن اتاپ ءوتتى. ول ءوز قۇرداستارىنىڭ اراسىندا ءوزىن ورنىقتى، سەنىمدى سەزىنۋى كەرەك، بۇل ەرەسەك ادامعا جاڭا جۇمىس ورنىندا بەدەلگە يە بولۋدان گورى قيىنىراق بولۋى مۇمكىن. سونىمەن قاتار، مەكتەپتە دە ارتىلاتىن سالماق ارتا تۇسەدى: مۇعالىمدەر الداعى ەمتيحاندارمەن قورقىتادى، وتپەلى كەزەڭنەن ءوتىپ جاتقان جاسوسپىرىمدەرگە ماماندىق تاڭداۋعا جانە وقۋعا تۇسۋگە دايىندالۋعا ءماجبۇر بولادى.
«بالاڭىزدىڭ جاعدايىنا ەنىپ، ونى تۇسىنۋگە دايىن ەكەنىڭىزدى ءبىلدىرىپ، اياۋشىلىق ءبىلدىرىڭىز. ونىمەن وداقتاس بولۋعا تىرىسىڭىز، ناقتى ءبىر كەڭەسپەن كومەكتەسە الماساڭىز، كوڭىلىن اۋلايتىن ءستيلدى كيىم ساتىپ الۋ ءۇشىن اقشا بەرىڭىز نەمەسە ولاردىڭ ورتاسىندا دارەجەسىن ارتتىراتىنداي مۇمكىندىك بەرۋ ءۇشىن، ەڭ بولماعاندا، كەدەرگى بولماڭىز»، - دەپ كەڭەس بەردى ليەۆچۋك.
ماماننىڭ ايتۋىنشا، ۇيدە بالاعا قوسىمشا كۇيزەلىس تۋدىراتىن جاعدايلار جاساماۋ كەرەك. بالانىڭ سەنىمىنە يە بولۋ ءۇشىن ونى وزىڭىزگە تاۋەلدى ەتپەي، ونىمەن دوس بولۋعا تىرىسۋ كەرەك.