1665 جول جۇمىسشىسى جۇمىلدىرىلدى.
الماتى قالاسىندا 7 اقپان كۇنى ساعات 02.00-دە جاپالاقتاپ قار جاۋا باستادى. ساعات 13.00-دەگى جاعداي بويىنشا، قالادا 8-10 سم، تاۋ ەتەگى مەن تاۋلى ايماقتاردا 15-20 سم قار جاۋدى، دەپ حابارلايدى Almaty-akshamy.kz.
قار جاۋا سالىسىمەن كوكتايعاقتىڭ الدىن الۋ ءۇشىن جولدارعا كوكتايعاققا قارسى 1812 توننا ماتەريالدار سەبىلدى.
جۇمىس تەحنولوگياسىنا سايكەس، جولداردا كوكتايعاقتى بولدىرماۋ ءۇشىن، كوكتايعاققا قارسى ماتەريالدى شاشپاي تۇرىپ قاردى كۇرەۋگە تىيىم سالىنادى.
شاشىلعان كوكتايعاققا قارسى ماتەريال قارمەن ارالاستىرىلادى، بورپىلداق قار ماسساسىن قالىپتاسقان سوڭ قار تازالاۋ جۇمىستارى باستالدى.
«قار تازالايتىن نەگىزگى توپتار تاڭعى قاربالاس ۋاقىتتان كەيىن ساعات 9.00-دەن باستاپ جولعا شىقتى. قالانىڭ جوعارعى بولىگىندە قاردى تازالاۋ جۇمىستارى ساعات 7.00-دەن باستاپ جۇرگىزىلدى. تازارتىلعان جەرلەرگە كوكتايعاقتىڭ الدىن الاتىن ماتەريالدار سەبىلدى»، - دەلىنگەن الماتى قالاسىنىڭ تۇرعىن ءۇي ساياساتى باسقارماسىنىڭ حابارلاماسىندا.
بۇدان باسقا، قار جاۋعالى بەرى جاياۋ جۇرگىنشىلەر جولى، جاياۋ جۇرگىنشىلەرگە ارنالعان اۋماقتار، قوعامدىق كولىك ايالدامالارى، قوعامدىق ورىندار تارتىلدى.
قاردان تازارتۋ جۇمىسىنا 611 بىرلىك ارنايى تەحنيكا، 205 قۇملاقتىرعىش جانە 1665 جول جۇمىسشىسى جۇمىلدىرىلدى.
اۋداندىق اكىمدىكتەر مەن مەردىگەر ۇيىمداردا قار تازالاۋ جۇمىستارىنىڭ ءوندىرىسىن باقىلاۋ ءۇشىن تاۋلىك بويى كەزەكشىلىك ۇيىمداستىرىلعان.