جاڭا زياتكەرلىك جۇيە جاقىن ارادا نارىققا شىعادى.
قازاقستاندىق عالىم داۋىستىق حابارلامالاردى ماتىنگە اۋىستىراتىن قازاق تىلىندە سويلەۋدى تانۋ جۇيەسىن ويلاپ تاپتى، دەپ حابارلايدى Almaty-akshamy.kz
جاڭا جۇيەنى وركەن مامىربايەۆ ويلاپ تاپتى. ول - ق ر بعم عىلىم كوميتەتىنىڭ اقپاراتتىق جانە ەسەپتەۋىش تەحنولوگيالار ينستيتۋتىنىڭ عىلىمي قىزمەتكەرى.
«Kazak ASR» زياتكەرلىك جۇيەسى Telegram الەۋمەتتىك جەلىسىندە چات-بوت رەتىندە ءقازىردىڭ وزىندە جۇمىس ىستەيدى. جوبا سونىمەن قاتار تانىمال نيدەرلاندتىق Philips كومپانياسىنىڭ ونىمدەرىنە بىرىكتىرىلىپ، جاقىن ارادا نارىققا شىعادى دەپ جوسپارلانىپ وتىر. ازىرلەمە ءبىلىم جانە عىلىم مينيسترلىگىنىڭ گرانتتىق قارجىلاندىرۋىنىڭ ارقاسىندا ازىرلەندى»، - دەلىنگەن ءبىلىم جانە عىلىم مينيسترلىگىنىڭ باسپا ءسوز قىزمەتىنىڭ حابارلاماسىندا.
ايتا كەتەيىك، وركەن مامىربايەۆ ءوزىنىڭ عىلىمي قىزمەتىن مەملەكەتتىك ءتىلدى دامىتۋعا ارنادى. ءقازىر ول جاساندى ينتەللەكت پەن ەسەپتەۋىش لينگۆيستيكاعا قاتىستى جوبالارمەن اينالىسىپ ءجۇر.
«Kazak ASR» داۋىستىق سيگنالداردى تانىپ قانا قويماي، سونداي-اق ولاردى ماتىنگە اينالدىرادى. ازىرلەنگەن جۇيە Telegram-دا چات-بوت رەتىندە جۇمىس ىستەيدى. جۇيەنى تەكسەرۋ ءۇشىن داۋىستىق حابارلاما تۇيمەسىن باسىپ تۇرۋ كەرەك. جازۋ اياقتالعاننان كەيىن بوت ءسىزدىڭ داۋىستىق سيگنالدارىڭىزدى ماتىنگە اينالدىرادى. سونىمەن قاتار كومانداممەن بىرگە جينالىس نەمەسە كەزدەسۋ كەزىندە قوسۋعا بولاتىن دىبىس جازۋ قۇرىلعىسىن ازىرلەدىك. جينالىس اياقتالعاننان كەيىن قۇرىلعى قازاق تىلىندە حاتتاما دايىندايدى»، - دەپ ايتتى مامىربايەۆ.
قازىرگى ۋاقىتتا Philips ونىمدەرىنە قازاق تىلىندە سويلەۋدى تانۋ تەحنولوگياسىن ەنگىزۋ بويىنشا قۇجات ازىرلەنىپ جاتىر. ىنتىماقتاستىق اياسىندا قازاقستاندىق نارىققا سويلەۋدى تانۋ مۇمكىندىگى بار Philips Smart Mike Duo ميكروفونى ۇسىنىلادى، ول ءسوزدى اۆتوماتتى تۇردە باسپا ماتىنىنە تۇرلەندىرەدى. قۇرىلعى ءبىر ۋاقىتتا ەستىلەتىن ەكى ءتۇرلى داۋىستى تاني الادى جانە اۆتوماتتى تۇردە ءماتىندى ەكى ءتۇرلى ارناعا تۇسىرەدى.
«Philips كومپانياسى سەرىكتەستىك پەن ءونىمدى ودان ءارى جەتىلدىرۋدى ۇسىندى. ەگەر الگوريتم تۋرالى كەزەڭ-كەزەڭىمەن ايتاتىن بولساق، الدىمەن باعدارلاما كومپيۋتەرگە جۇكتەلەدى. سودان كەيىن ميكروفوندى قوسامىز. ءسويتىپ، سويلەي باستايمىز. قۇرىلعى ەكى ءتۇرلى داۋىستى اۆتوماتتى تۇردە تانيدى جانە ەكى بولىكتە قازاق تىلىندەگى ءماتىنىن كورسەتەدى. مۇنداي ميكروفون اقپاراتتى ءماتىن تۇرىندە ساقتاۋ قاجەت بولۋى مۇمكىن جينالىستار كەزىندە حاتتامالار تولتىرۋ ءۇشىن پايدالى»، - دەپ تولىقتىردى عالىم.