ءماسق-عا الەۋمەتتىك اۋدارىمدار تۇسكەن ورتاشا ايلىق تابىستىڭ 40%-ىن قۇرايدى.
جىل باسىنان بەرى قازاقستان ۇكىمەتى انا مەن بالانى قولداۋ ماقساتىندا 77 ملرد تەڭگە تولەگەن، دەپ حابارلايدى Almaty-akshamy.kz.
«2022 جىلدىڭ ءبىرىنشى توقسانىنىڭ قورىتىندىسى بويىنشا، مەملەكەتتىك الەۋمەتتىك ساقتاندىرۋ قورىنان 59،2 مىڭ ايەل جۇكتىلىككە جانە بوسانۋعا، جاڭا تۋعان بالانى (بالالاردى) اسىراپ الۋعا بايلانىستى تابىسىنان ايىرىلعان جاعدايدا جالپى سوماسى 33،9 ملرد تەڭگەگە الەۋمەتتىك تولەم الدى. ءبىر جاسقا دەيىنگى بالا كۇتىمىنە بايلانىستى تابىسىنان ايىرىلۋىنا بايلانىستى 42،6 ملرد تەڭگە سوماسىندا 423،5 مىڭ ادام الەۋمەتتىك تولەم الدى»، - دەلىنگەن ەڭبەكمينى باسپا ءسوز قىزمەتىنىڭ حابارلاماسىندا.
جوعارىدا كورسەتىلگەن تولەمدەردىڭ ءبىرىنشىسىن الۋ قۇقىعى جۇكتىلىك جانە بوسانۋ بويىنشا ۋاقىتشا ەڭبەككە جارامسىزدىق پاراعىندا كورسەتىلگەن كۇننەن باستاپ تۋىندايدى.
جۇكتىلىككە جانە بوسانۋعا بايلانىستى تابىسىنان ايىرىلعان جاعدايداعى الەۋمەتتىك تولەمنىڭ مولشەرى سوڭعى جىلداعى جۇمىس ىستەيتىن ايەل ءۇشىن ءماسق-عا كەلىپ تۇسكەن الەۋمەتتىك اۋدارىمدار مەن ەڭبەككە قابىلەتسىزدىك كۇندەرىنىڭ سانىنا بايلانىستى بولادى.
ەكىنشى تولەمدى الۋدىڭ نەگىزگى شارتتارى – كىرىستى جوعالتۋ جانە بالا 1 جاسقا تولعانعا دەيىن ناقتى كۇتىم جاساۋ. تولەم مولشەرى بالانىڭ تۋعان كۇنىنە دەيىنگى سوڭعى 2 جىل ىشىندە ءماسق-عا الەۋمەتتىك اۋدارىمدار تۇسكەن ورتاشا ايلىق تابىستىڭ 40%-ىن قۇرايدى.
بۇل رەتتە وسى تولەمنىڭ ەڭ تومەنگى مولشەرى جۇمىس ىستەمەيتىن ايەلدەرگە تاعايىندالاتىن 1 جاسقا دەيىنگى بالا كۇتىمى جونىندەگى وسىعان ۇقساس اي سايىنعى مەملەكەتتىك جاردەماقىنىڭ مولشەرىنەن كەم بولماۋعا ءتيىس.
ەڭ جوعارى مولشەر ەڭ تومەنگى جالاقىنىڭ جەتى ەسەلەنگەن مولشەرىنىڭ 40%-ىنان اسپاۋى ءتيىس.
الەۋمەتتىك تولەمدەردەن 10% مىندەتتى زەينەتاقى جارنالارى ۇستالىنىپ، الەۋمەتتىك تولەم الۋشىنىڭ ءبىرىڭعاي جيناقتاۋشى زەينەتاقى قورىنداعى شوتىنا اۋدارىلادى.
ءماسق-دان تولەنەتىن الەۋمەتتىك تولەمدەر تۋرالى تولىق اقپاراتپەن https://gfss.kz/ ينتەرنەت-رەسۋرسىندا تانىسۋعا بولادى.