ەكو-عا 879 الماتىلىق ايەل كەزەكتە تۇر.
بىلتىر قازاقستاندا «اڭساعان ءسابي» باعدارلاماسى ىسكە قوسىلدى. وسى باعدارلاما شەڭبەرىندە ەكو-عا كۆوتا سانى 7 ەسەگە ۇلعايدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ونىڭ ىشىندە الماتىعا 2021 جىلعا بولىنگەنى 800-گە جۋىق كۆوتا بولسا، 2020 جىلى 130 كۆوتا بولىنگەن. بيىل 845 كۆوتا قاراستىرىلدى.
«اڭساعان ءسابي» باعدارلاماسى اياسىندا 2022 جىلى 845 كۆوتا ءبولىندى. ءبىرىنشى توقسانعا 759 كۆوتا بەرىلدى»، - دەدى قالالىق دەنساۋلىق ساقتاۋ باسقارماسىندا.
ەكو-عا جىبەرۋ تۋرالى شەشىمدى الماتى قالاسى قوعامدىق دەنساۋلىق باسقارماسى جانىنان قۇرىلعان ارنايى كوميسسيا قابىلدايدى. ەكو-نى ايەلدىڭ ءوزى تاڭدايدى.
بۇگىندە الماتى قالاسى بويىنشا تەگىن ەكو-عا 879 ايەل كەزەكتە تۇر. ەكو پروسەدۋراسىنا ءوتىنىش بەرۋ ءۇشىن تىركەلگەن ەمحاناعا بارۋ كەرەك، سول جەردە تەكسەرۋدەن وتكەن سوڭ، پروسەدۋراعا جىبەرەدى.
وسى باعدارلاما اياسىندا پاسيەنت جىلىنا ءبىر رەت ەكو جاساي الادى.
بۇگىندە ەلىمىزدە 26 ەكو ورتالىق جۇمىس ىستەيدى، ونىڭ 21ء-ى - جەكەمەنشىك.
ەسكە سالساق، مەملەكەت باسشىسى قاسىم - جومارت توقايەۆتىڭ تاپسىرماسى بويىنشا 2021 جىلى ەلىمىزدە «اڭساعان ءسابي» باعدارلاماسى جۇزەگە استى.