قازاقستاندىق كوركەم گيمناسشى الەم كۋبوگىندە كۇمىس جۇلدەگەر اتاندى

ەستونيانىڭ تارتۋ قالاسىندا كوركەم گيمناستيكادان الەم كۋبوگىنىڭ كەزەڭى اياقتالدى.

سايىسقا 29 ەلدىڭ كوركەم گيمناسشىسى قاتىستى. اتالعان سىندا قازاقستاندىق ەلجانا تانييەۆا كۇمىس جۇلدەگەر اتاندى، دەپ حابارلايدى Almaty-akshamy.kz Elorda.info سايتىنا سىلتەمە جاساپ.  

قازاقستاندىق گيمناست شىعىرشىقپەن جاتتىعۋدا كۇمىس مەدال جەڭىپ الدى. ول اتالعان باعدارلامادا 33،8 ۇپاي جيناپ، ەكىنشى ورىنعا تابان تىرەگەن. بۇل – ەلجانانىڭ بيىلعى ماۋسىمدا جەڭىپ العان العاشقى جۇلدەسى. بۇل باسەكەدە ۋكراينالىق ۆيكتوريا ونوپريەنكو جەڭىسكە جەتسە، قولانى بولگاريالىق ەۆا برەزالييەۆا يەلەندى.

سونداي-اق تانييەۆا ۇرشىق جانە تاسپامەن جاتتىعۋدان فينالعا شىققان بولاتىن. ۇرشىقپەن جاتتىعۋدا ەلجانا جۇلدەگە قول سوزىم جەردەن توقتاپ، ءتورتىنشى ورىن الدى. ال شىعىرشىق جاتتىعۋىندا العاشقى التىلىققا ەندى. كوپسايىس قورىتىندىسى بويىنشا ول توعىزىنشى ورىننان كورىنگەن.

ايتا كەتەلىك، ەلجانا تانييەۆا بيىل ۇرشىققا ارنالعان باعدارلاماسىن شاكيرانىڭ ايگىلى «Loca» ءانىنىڭ ىرعاعىمەن ورىندايدى. تارتۋداعى الەم كۋبوگىنە 29 ەلدەن گيمناستار قاتىسقان.