1 ناۋرىزدا قازاقستان بويىنشا سيرەنا ىسكە قوسىلادى. رەسپۋبليكا بويىنشا ازاماتتىق قورعاۋدىڭ قۇلاقتاندىرۋ جۇيەسى تەكسەرىلەدى، دەپ حابارلايدى اlmaty-akshamy.kz Tengrinews.kz-كە سىلتەمە جاساپ.
ۆەدومستۆو مالىمەتىنشە، دۇنيەجۇزىلىك ازاماتتىق قورعانىس كۇنى شەڭبەرىندە 1 ناۋرىز ساعات 9.00-دەن 12.00-گە دەيىن ازاماتتىق قورعاۋدىڭ قۇلاقتاندىرۋ جۇيەسىنە رەسپۋبليكالىق تەكسەرۋ جۇرگىزىلەدى.
«توتەنشە جاعدايلار تۋرالى حالىقتى قۇلاقتاندىرۋ جانە حاباردار ەتۋ - تۇرعىنداردى تابيعي قۇبىلىستاردىڭ ءارتۇرلى فاكتورىنىڭ اسەرىنەن بولاتىن اپاتتىڭ نەمەسە جويقىن اسەردىڭ سالدارىنان قورعاۋعا مۇمكىندىك بەرەتىن نەگىزگى قاۋىپسىزدىك شاراسى. قۇلاقتاندىرۋ جۇيەسىن تەكسەرۋ كەزىندە ەلەكتر دابىلدارىن جانە سيرەنالىق سويلەۋ قۇرىلعىلارىن (داۋىس زورايتقىشتاردى) قىسقا مەرزىمگە قوسىلادى، سونىمەن بىرگە تەلەديدار جانە راديوارنالارىنىڭ ەفيرى ۇستالادى، ينتەرنەت-رەسۋرستار مەن موبايل قولدانبالاردا اقپارات ورنالاستىرىلادى»، - دەلىنگەن حابارلامادا.
«بارشانىڭ نازارىنا!» دىبىستىق سيگنالى - بۇل ءقاۋىپ تونگەن نەمەسە توتەنشە جاعداي تۋىنداعان كەزدە بارلىق شۇعىل حابارلامالاردى بەرۋدىڭ الدىندا حالىقتىڭ نازارىن اۋدارۋ ءۇشىن بەرىلەتىن ەسكەرتۋ سيگنالى.
«دىبىستىق سيگنالدى ەستىگەن كەزدە تەلەديدارلار مەن راديوقابىلداعىشتاردى قوسۋ كەرەك، ينتەرنەت-رەسۋرستارداعى جانە ءموبيلدى قوسىمشالارداعى اقپاراتتى تۋىنداعان جاعدايدا ودان ءارى ارەكەت ەتۋ تۋرالى نۇسقاۋلار الۋ ءۇشىن وقىپ شىعۋ كەرەك»، - دەلىنگەن حابارلامادا.
سونىمەن قاتار، ءقاۋىپتى وندىرىستىك نىساندار مەن گيدروتەحنيكالىق قۇرىلىستارداعى جەرگىلىكتى قۇلاقتاندىرۋ جۇيەلەرىنىڭ جارامدىلىعى تەكسەرىلەدى.
قۇلاقتاندىرۋ جۇيەسىنە رەسپۋبليكالىق تەكسەرۋ جۇرگىزۋ قۇلاقتاندىرۋ جابدىعىن ازىرلىكتە ۇستاۋعا جانە حالىقتى ىقتيمال توتەنشە جاعدايلاردان قورعاۋعا باعىتتالعان.