19 ناۋرىزدا وتەتىن ءماجىلىس جانە ءماسليحاتتار دەپۋتاتتارى سايلاۋى الدىندا ساياسي پارتيالاردىڭ پىكىرسايىسى كۇنى بەلگىلەندى. 16 ناۋرىزدا ساياسي پارتيالاردىڭ سايلاۋالدى دەباتى وتەدى.
بۇل تۋرالى ورتالىق سايلاۋ كوميسسياسىنىڭ وتىرىسىندا ءمالىم بولدى، دەپ جازادى اlmaty-akshamy.kz inbusiness.kz-كە سىلتەمە جاساپ.
«ق ر سايلاۋ تۋرالى زاڭىنىڭ 28-بابىنىڭ 3-تارماعىنا سايكەس، ورتالىق سايلاۋ كوميسسياسى سايلاۋعا قاتىساتىن ساياسي پارتيالاردىڭ دەباتىن ۇيىمداستىرادى. وسى ورايدا ورتالىق سايلاۋ كوميسسياسى ءوز قۇزىرەتىنە سايكەس، پىكىرسايىستى وتكىزۋ ەرەجەلەرى مەن قاعيداتىن بەكىتتى. قابىلدانعان شەشىم بويىنشا ساياسي پارتيالاردىڭ پىكىرسايىسىن وتكىزۋ 2023 جىلعى 16 ناۋرىزعا بەلگىلەندى»، – دەدى ورتالىق سايلاۋ كوميسسياسىنىڭ مۇشەسى اناستاسيا ششەگورسوۆا.
تەليەۆيزيالىق پىكىرسايىس «حابار» تەلەارناسىنىڭ ەفيرىنەن كورسەتىلەدى.
«تەلەدەبات وتكىزۋ بويىنشا قاۋلى ءبىر اۋىزدان قابىلداندى. وسى قاۋلى ءماجىلىس سايلاۋىنا قاتىساتىن سايلاۋالدى شتابتارىنىڭ نازارىنا جەتكىزىلسىن. ورتالىق سايلاۋ اپپاراتى «حابار» اگەنتتىگىمەن سايلاۋالدى پىكىرسايىس وتكىزۋ تۋرالى شارت جاساسسىن»، - دەپ مالىمدەدى ورتالىق سايلاۋ كوميسسياسىنىڭ ءتوراعاسى نۇرلان ءابدىروۆ.