قازاقستاندىق كيبەرسپورتشى، برازيليالىق FURIA كومانداسىندا ونەر كورسەتەتىن دانيل molodoy گولۋبەنكو HLTV نۇسقاسى بويىنشا CS2-دەن "جىلدىڭ ۇزدىك جاڭالىعى" اتاندى، - دەپ حابارلايدى aqshamnews.kz ءتىلشىسى.
وقيعا HLTV Awards سىيلىعىن تابىستاۋ راسىمىندە بولدى - بۇل CS2 بويىنشا بىلتىردىڭ قورىتىندىسى شىعاتىن، ءتۇرلى ماراپاتتار بەرىلەتىن جىل سايىنعى ءراسىم.
FURIA-نىڭ جارقىن جاڭالىعى دانيل molodoy گولۋبەنكو "جىلدىڭ جاڭالىعى" جۇلدەسىن بەلگرادتا سەنبىدە وتكەن HLTV Awards كەشىندە يەلەندى. قازاقستاندىق AWP-مەرگەن بۇل اتالىمدا Falcons ساپىنداعى ماكسيم kyousuke لۋكيندى جانە Natus Vincere ويىنشىسى درين makazze شاكيريدى باسىپ وزدى.
قازاقستاندىق ويىنشى ساحناعا ۇلتتىق شاپانمەن شىعىپ، وزگە كوماندالار ويىنشىلارى وتىرعان زالدان قوشەمەتكە بولەندى.
"بۇگىن - مەنىڭ تۋعان كۇنىم. سەنىم ارتقاندارىڭىزعا راقمەت، بارلىق جاعىنان قولداۋ كورسەتىپ جۇرگەن FURIA-عا راقمەت. قولداۋلارىڭىز ءۇشىن العىس ايتامىن. مەن CSء-تى جاقسى كورەمىن. العا، قازاقستان!" - دەدى گولۋبەنكو.
ايتا كەتەيىك، گولۋبەنكونىڭ الەمدەگى ۇزدىك ويىنشىلار قاتارىنا ەنۋىنە ىقپال ەتكەن وقيعالاردىڭ ءبىرى استانادا بولعان. قازاقستان استاناسىندا دانيل FURIA قۇرامىمەن PGL سەرياسىنداعى ەڭ ءىرى تۋرنيرلەردىڭ بىرىندە جارتىلاي فينالعا دەيىن جەتكەن.
ءدانيلدىڭ كوماندامەن بىرگە جەتكەن وزگە جەتىستىكتەرى: Thunderpick World Championship 2025، Blast Rivals 2025 Season 2، FISSURE Playground 2، سونداي-اق IEM Chengdu تۋرنيرلەرىندەگى جەڭىستەر. كەيىنگى ەكەۋىندە molodoy ءتۋرنيردىڭ ەڭ ۇزدىك ويىنشىسى دەپ تانىلعان.