قازاقستاندىق تەننيسشى الەكساندر بۋبليك كاسىبي مانسابىنداعى ەڭ ءىرى جەتىستىككە قول جەتكىزدى. گونكونگتا وتكەن ATP 250 ءتۋرنيرىنىڭ فينالىندا الەمنىڭ الدىڭعى قاتارلى تەننيسشىلەرىن قاپى قالدىرعان وتانداسىمىز چەمپيون اتاندى، - دەپ حابارلايدى aqshamnews.kz ءتىلشىسى.
كەزدەسۋ ەكى سەتتە اياقتالىپ، ەسەپ 7:6، 6:3 بولىپ الەكساندردىڭ پايداسىنا شەشىلدى.
ايتا كەتەيىك، بۋبليك تاريحي رەكورد ورناتتى: گونكونگتاعى تۋرنيردە جەڭىسكە جەتىپ، ول ATP ەرلەر اراسىنداعى جەكەلەي سىندا الەمدىك رەيتينگتىڭ توپ-10-نا ەنگەن العاشقى قازاقستاندىق اتاندى.
بۇل جەڭىستىڭ باعاسى تەك چەمپيوندىق كۋبوكپەن عانا شەكتەلمەيدى. گونكونگتاعى تۋرنيردەن كەيىن الەكساندر بۋبليك رەيتينگتىك ۇپايلارىن ەداۋىر ەسەلەدى.
12 قاڭتاردا جاريالاناتىن جاڭا ATP رەيتينگىندە الەكساندر بۋبليك ءوز مانسابىندا العاش رەت الەمنىڭ 10-راكەتكاسى اتانادى.