تۇركيانىڭ 55 جاستاعى تۇرعىنى نەدجلا وزمەن سوت ارقىلى ءوزىنىڭ اكەسى اقش پرەزيدەنتى دونالد ترامپ ەكەنىن دالەلدەۋگە تىرىسىپ ءجۇر، - دەپ حابارلايدى Massaget.kz ءتىلشىسى DHA اگەنتتىگىنە سىلتەمە جاساپ.
وزمەن قىركۇيەكتە انكارانىڭ وتباسىلىق سوتىنا اكەلىك قۇقىقتى (اكەلىكتى) انىقتاۋ تۋرالى تالاپ-ارىز بەرگەن. ونىڭ ايتۋىنشا، رەسمي تىزىلىمدەگى جازبالارعا سايكەس، ونىڭ اتا-اناسى - ساتى جانە دۋرسۋن وزمەن. الايدا تۇركيالىق ايەل ءوزىنىڭ بيولوگيالىق اناسى سوفيا ەسىمدى ءبىر امەريكالىق ايەل بولۋى مۇمكىن دەپ سانايدى. ايەلدىڭ مالىمدەۋىنشە، ساتى وزمەن ءولى بالا تۋعان، ال سول اۋرۋحانادا "ترامپتان جۇكتى" بولىپ بوسانعان سوفيا جاڭا تۋعان ءسابيىن وزمەندەردىڭ وتباسىنا بەرگەن.
انكارا تۇرعىنىنىڭ ايتۋىنشا، اسىراپ العان اناسى ترامپتى جاڭالىقتاردان كورىپ، ونى نۇسقاپ: "سەنىڭ اكەڭ وسى" دەگەن.
"بۇل قانشالىقتى راس ەكەنىن بىلمەيمىن. وعان كەسىرىم ءتيىپ كەتپەسە ەكەن دەيمىن. ونىڭ مەنىمەن سويلەسكەنىن قالايمىن جانە ەگەر ول كەلىسسە، تۋىستىق بايلانىستى دالەلدەۋ ءۇشىن دنق-تەست تاپسىرعىم كەلەدى"، - دەيدى وزمەن.
ايەل اقش پرەزيدەنتى جاقسى اكە دەپ سەنەتىنىن جانە ودان باس تارتپايتىنىن جەتكىزگەن.