بولگاريادا كيوكۋشينكاي-كان جانە شينكيوكۋشينكاي-كان كاراتەدەن جاستار اراسىندا الەم كۋبوگى ءوتتى.
جىل سايىن داستۇرگە اينالعان باسەكەگە بيىل 22 ەلدىڭ 350-دەن استام تاتامي شەبەرى جينالدى، دەپ حابارلايدى Almaty-akshamy.kz.
قازاقستان ۇلتتىق قۇراماسىنىڭ 45 وكىلى جارىس باستالعاننان باستاپ-اق، جوعارى ناتيجەلەر كورسەتىپ، جۇلدەلى ورىندارعا يە بولدى.
ناقتىراق ايتقاندا، قازاقستان قۇراماسى جارىستىڭ ەكى كۇنىندە 23 التىن، 9 كۇمىس پەن 12 قولاعا قول جەتكىزدى.
سونىڭ ىشىندە نۇر-سۇلتان قالاسىنىڭ قۇراما كومانداسىنىڭ قورجىنىندا 13 التىن، 6 كۇمىس جۇلدە.
قازىرگى كەزدە الەمدىك ارەنالاردا ۇزدىك ناتيجە كورسەتىپ جۇرگەن ەلوردالىق انتون زيماريەۆ، ماقسات يسكاكوۆ جانە راحات جانعابىلوۆتار وسى جولى دا ءانۇرانىمىزدى اسقاقتاتىپ، كوك تۋىمىزدى جەلبىرەتتى.
قازاقستان قۇراماسى الەم كۋبوگىنا وسىمەن 5ء-شى رەت قاتىستى. كاراتەشىلەردىڭ ەڭ ۇزدىك ناتيجەسى 2019 جىلى 9 التىن، 17 كۇمىس، 22 قولامەن تىركەلگەن بولاتىن.
ال بيىل قازاقستان قۇراماسى الەم كۋبوگىندا جالپى كوماندالىق ەسەپتە ءبىرىنشى ورىندى جەڭىپ الدى.
وسىلايشا، 22 مەملەكەتتەن سۋىرىلىپ شىعىپ، قازاقستاندىق كاراتەشىلەر الەمدىك رەكورد ورناتتى.
ايتا كەتەيىك، الەم چەمپيوناتىندا توپ جارعان سپورتشىلار نۇرسۇلتان نازاربايەۆ حالىقارالىق اۋەجايىنا 12 شىلدەدە 07:55-تە قونادى.