شامامەن وسىنداي مولشەر ءبىر اي بويى قابىلداناتىن ەدى.
قازاقستاندا ءبىر كۇن ىشىندە رەسەيلىكتەر جسن الۋعا 13 مىڭ ءوتىنىش بەرگەن، - دەپ حابارلايدى Almaty-akshamy.kz
«رەسەي ازاماتتارى بەيرەزيدەنت ءجسن-ىن الۋ ءۇشىن حقكو-لارعا جاپپاي ءوتىنىم بەرىپ جاتىر. ناتيجەسىندە جۇكتەمەنىڭ ارتۋى بايقالادى. قازاقستاندا ۋاقىتشا بولاتىن شەتەلدىكتەر مەن ازاماتتىعى جوق ادامدارعا جسن قالىپتاستىرۋ قىزمەتى «ازاماتتارعا ارنالعان ۇكىمەت» جانە شەتەلدىك مەكەمەلەر ارقىلى كورسەتىلەدى»، - دەدى سيفرلىق دامۋ، يننوۆاسيالار جانە اەروعارىش ونەركاسىبى ۆيسە-مينيسترى اسەت تۇرىسوۆ.
ونىڭ ايتۋىنشا، جسن ءبىر جۇمىس كۇنى ىشىندە دايىندالادى، بەيرەزيدەنتتىڭ ءتولقۇجاتى بولۋى قاجەت، كورسەتىلەتىن قىزمەتتى الۋشىنىڭ وكىلى جۇگىنگەن جاعدايدا نوتاريالدى كۋالاندىرىلعان سەنىمحات قاجەت.
«قازىرگى ۋاقىتتا جسن الۋ ءۇشىن رەسەيلىكتەر اعىنى استانا، الماتى جانە شەكارالاس قالالاردا كوپ بايقالادى. كەشە عانا ەلىمىز بويىنشا 13 مىڭنان اسا ءوتىنىم قابىلداندى. شامامەن وسىنداي مولشەر ءبىر اي بويى قابىلداناتىن ەدى»، - دەپ قوستى ول.
شەتەلدىك ازاماتتارعا قىزمەت كورسەتۋ ءۇشىن ءسدياوم استانا مەن الماتىدا، سونداي-اق قوستاناي، باتىس قازاقستان، سولتۇستىك قازاقستان، پاۆلودار، اقتوبە جانە اقمولا وبلىستارىندا جەكەلەگەن حقكو-لار جۇمىسىن كۇشەيتۋ تۋرالى شەشىم قابىلداعانى ايتىلعان ەدى.