قۇجات جوباسى قوعام بولىپ تالقىلاۋ ءۇشىن اشىق نقا سايتىندا جاريالاندى.
ق ر سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى «قازاقستان رەسپۋبليكاسىنداعى مەرەكەلىك كۇندەردىڭ تىزبەسىن بەكىتۋ تۋرالى» ۇكىمەتتىڭ 2017 جىلعى 31 قازانداعى № 689 قاۋلىسىنا وزگەرىستەر مەن تولىقتىرۋلار ازىرلەدى، دەپ حابارلايدى Almaty-akshamy.kz
مينيسترلىك مىنانداي مەرەكە كۇندەرىن بەلگىلەۋدى ۇسىندى:
بايلانىس قىزمەتكەرلەرى كۇنى – 17 مامىر؛
سيفرلاندىرۋ جانە اقپاراتتىق تەحنولوگيالار قىزمەتكەرلەرى كۇنى – 10 قاراشا؛
ەنەرگيا ۇنەمدەۋ كۇنى – 11 قاراشا.
قۇجاتتا تۇسىندىرىلگەنىندەي، سيفرلاندىرۋ جانە اقپاراتتىق تەحنولوگيالار قىزمەتكەرلەرى كۇنىن تىزىمگە ەنگىزۋ كاسىبي قوعامداستىقتىڭ ءبىرىڭعاي سالاسىنا جاتاتىنىن سەزىنۋگە مۇمكىندىك بەرىپ، كورپوراتيۆتىك مادەنيەتتىڭ ودان ءارى دامۋىنا ىقپال ەتەدى.