ورتالىق كوممۋنيكاسيالار قىزمەتىندە وتكەن باسپا ءسوز كونفەرەنسياسىندا ىشكى ىستەر ءمينيسترى مارات احمەتجانوۆ مەملەكەتتىك تىلگە قاتىستى ساۋال جولداعان ءجۋرناليستىڭ سۇراعىنا جاۋاپ بەردى، دەپ حابارلايدى Almaty-akshamy.kz Baq.kz-كە سىلتەمە جاساپ.
ب ا ق وكىلى ىشكى ىستەر مينيسترلىگىندە مەملەكەتتىك ءتىلدىڭ قولدانىلۋ اياسى تار ەكەنىن العا تارتىپ، قازاق ءتىلى نەلىكتەن اۋدارما ءتىلى رەتىندە قولدانىلىپ جۇرگەنىن سۇرادى.
مينيستر جۋرناليست ساۋالعا تيەك ەتكەن اۋدارما ءتىل جونىندەگى اقپاراتتى راستاي المايتىنىن ايتىپ، جينالىستاردىڭ قازاق تىلىندە جۇرگىزىلەتىنىن اتادى.
- ءبىزدىڭ شۇعىل ءماجىلىسىمىز بولسىن، القا ءماجىلىسى بولسىن مەملەكەتتىك تىلدە وتەدى. سۇراق كەلگەندە، بەرگەن تىلدە جاۋاپ بەرۋگە مىندەتتىمىز. ول جەردە باسقا تىلگە باسىمدىق بەرۋ نەمەسە مەملەكەتتىك ءتىلدى شەتتەتۋ فاكتىلەرى جوق دەپ ەسەپتەيمىن، - دەدى مينيستر.
كەيىننەن مينيستردەن ىشكى ىستەر مينيسترلىگىندە ءىس-قاعازدار مەملەكەتتىك تىلدە جۇرگىزىلۋى ءۇشىن جانە مينيسترلىك ماماندارى قازاق ءتىلىن جاقسى مەڭگەرۋى ءۇشىن قانداي ىستەر اتقارىلىپ جاتقانى سۇرالدى.
- ءسىزدىڭ قويعان سۇراقتارىڭىزدىڭ جانى بار شىعار. ءبىز دە ونى ەسكەرەمىز. ءبىراق مەنىڭ ويىم - ەشقانداي تاپسىرما قاجەت ەمەس. سۇرانىس بولعان كەزدە، سول تىلدە سويلەپ، سول تىلدە جاۋاپ بەرەدى، - دەپ جاۋاپ بەردى مينيستر.
سونداي-اق ول مەملەكەتتىك ءتىلدى ءبىلۋ ءار قىزمەتكەردىڭ مىندەتى ەكەنىن ايتىپ، ونداي كەمشىلىكتەر بولسا، شارا قولدانىلاتىنىن جەتكىزدى.