شىمكەنت قالاسىندا Belline Arena ۇلتتىق تەننيس ورتالىعىندا Asia/Oceania Final Juniors Billie Jean King Cup ىرىكتەۋ ءتۋرنيرىنىڭ العاشقى كۇنى مارەسىنە جەتتى، دەپ حابارلايدى almaty-akshamy.kz.
قازاقستاندىق ءجاسوسپىرىم قىزدار باستاپقى كەزدەسۋىندە ۆەتنام قۇراماسىن 3:0 ەسەبىمەن ويسىراتا ۇتتى.
الدىمەن البينا كاكەنوۆا نگۋەنگە ەش مۇمكىندىك قالدىرعان جوق – 6:1، 6:1. سودان كەيىن اريانا گوگۋلينا ۆۋدى تىزەرلەتتى – 6:1، 6:2.
جۇپتىق باسەكەدە ا.كاكەنوۆا ەۆا كورىشيەۆامەن بىرگە ۆۋ – كۆانگقا ءبىر عانا گەيم بەردى – 6:0، 6:1.
ا توبىندا قازاقستان ءبىرىنشى، جاپونيا ەكىنشى ورىندا كەلەدى. قوس كوماندادا ءۇش ۇپايدان بار.
بۇگىن ياروسلاۆا شۆەدوۆانىڭ شاكىرتتەرى جاپونيالىق قىزدارعا ەسە جىبەرگەن يندونەزيامەن وينايدى.