استانادا «داۋلەت» تەننيس ورتالىعىندا 18 جاسقا دەيىنگىلەر اراسىندا بەسىنشى ساناتتاعى ITF Juniors ءتۋرنيرى مارەسىنە جەتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
قىزدار اراسىندا قازاقستاندىق ۋليانا رومانوۆا جەكەلەي سىندا ۇزدىك شىقتى.
ۋ.رومانوۆا فينالدا رەسەيلىك كسەنيا كرۋپەنينانى 6:3، 4:6، 6:2 ەسەبىمەن تىزە بۇكتىردى.
جۇپتىق سىندا ادەمى امانكەلدى مەن ساتي اۋباكىروۆا رەسەيلىكتەر كريستينا بەلكوۆا – ك.كرۋپەنينادان ايلاسىن اسىرىپ، چەمپيون اتاندى – 6:2، 6:3.
ۇلداردان ءىلياس مارات ۇلى ءابسوليۋتتى جەڭىمپاز بولدى. ول جەكەلەي سىندا كوماندالاسى كيريلل كولگانوۆتان باسىم ءتۇستى – 6:4، 6:3. ال جۇپتىق سىندا تاعى ءبىر قازاقستاندىق يليا ۆەدمەدپەن بىرگە سوڭعى باسەكەدە وتانداستارى ك.كولگانوۆ – ۆيتاليي زاسەپيندى جەڭدى – 1:6، 6:1، 10:2.
مىسىردىڭ شارم-ەل-شەيح قالاسىندا اياقتالعان ITF World Tennis Tour W15 جارىسىندا ارۋجان ساعىندىقوۆا مەن جانەل رۇستەموۆا جۇپتىق سىندا فينالعا دەيىن جەتتى. ولار شەشۋشى باسەكەدە دودانىڭ ءبىرىنشى راكەتكالارى، قىتايلىق تايبەي وكىلدەرى سۋن چو – سەن چوعا عانا ەسە جىبەردى – 1:6، 0:6.