الماتىداعى كارديولوگيا جانە ىشكى اۋرۋلار ۇلتتىق عىلىمي ورتالىعى Joint Commission International (JCI) اككرەديتاسياسىنان ءساتتى وتە وتىرىپ، مەديسينالىق كومەكتىڭ قاۋىپسىزدىگى جانە ساپاسىنىڭ حالىقارالىق ستاندارتتارعا سايكەستىگىن راستادى.
ينستيتۋت وسىنداي دەڭگەيگە قول جەتكىزگەن قازاقستانداعى ءۇش كلينيكانىڭ بىرىنە اينالدى، دەپ حابارلايدى aqshamnews.kz دەنساۋلىق ساقتاۋ مينيسترلىگىنە سىلتەمە جاساپ.
ءبىر اپتا ىشىندە JCI ساراپشىلارى كلينيكا جۇمىسىن 1110 كريتەريي بويىنشا باعالاي وتىرىپ، جان-جاقتى اۋديت جۇرگىزدى. جوعارى تاۋەكەلدەگى دارى-دارمەكتەرمەن جۇمىس ىستەۋگە جانە اۋرۋحاناىشىلىك ينفەكسيالاردىڭ الدىن الۋعا، ناۋقاستاردى ەمدەۋ مەن كۇتۋ ادىستەرىنە، مەديسينالىق ۇدەرىستەردىڭ قاۋىپسىزدىگىنە، تاۋەكەلدى باسقارۋ مەن ناۋقاستار قۇقىعىنىڭ ساقتالۋىنا ەرەكشە نازار اۋدارىلدى.
اۋديتورلار كلينيكانىڭ مەديسينا پەرسونالىنىڭ بىلىكتىلىگى جوعارى ەكەنىن، ينستيتۋتتىڭ بارلىق ۇدەرىستەرى ناۋقاستار تۇرعىسىنان باعالانعانىن اتاپ ءوتتى.
اۋديت ناتيجەسىندە JCI كومانداسى JCI حالىقارالىق كىتاپحاناسىنا ەنگىزۋگە ۇسىنىلعان، عزي-دا قولدانىلاتىن بىرنەشە بىرەگەي تاجىريبەنى ءبولىپ كورسەتتى. ونىڭ ىشىندە قانت ديابەتىنە شالدىققان جۇكتى ايەلدەردى باعدارلاۋدىڭ وزىق ادىستەرى، كارديورەابيليتاسياداعى ساباقتاستىق تالاپتارى مەن ىشەكتى ەندوسكوپياعا دايىنداۋ ستاندارتتارى بار.
وسى تاجىريبەلەردى ءوزىنىڭ حالىقارالىق كىتاپحاناسىنا ەنگىزۋ تۋرالى JCI ۇسىنىمدارى اتالعان ينستيتۋت تاجىريبەسى الەم بويىنشا مەديسينالىق ۇيىمدارعا دا تاراتىپ، قولدانۋعا بولاتىنىن بىلدىرەدى.
عزي كارديولوگياسى ساپاسىن باسقارۋدىڭ جۇيەلى ءادىسى مەن جاڭا تاجىريبەسىن ەنگىزۋدىڭ ارقاسىندا كلينيكالىق كورسەتكىشتەردى ايتارلىقتاي جاقسارتىپ، ناۋقاستاردىڭ قىزمەتتەرگە قاناعاتتانۋشىلىعىن ارتتىرۋ جانە ءولىم-جىتىمدى ازايتۋ مۇمكىن بولدى.