باحرەيننىڭ ماناما قالاسى گاندبولدان ەرلەر اراسىنداعى كەزەكتى ازيا بىرىنشىلىگىن قابىلدايدى.
اتالعان سىنعا قازاقستان كومانداسى دا قاتىسادى، دەپ حابارلايدى Almaty-aksamy.kz Olympic.kz-كە سىلتەمە جاساپ.
قۇرلىق دوداسىندا 16 كوماندا ب ا ق سىنايدى. قازاقستان قۇراماسى العاشقى ويىنىن جارىس قوجايىنى باحرەينگە قارسى وتكىزەدى.
بۇدان بولەك D توبىندا تاعى ءباا مەن گونكونگ بار.
چەمپيونات ناتيجەسىندە 2025 جىلى قىستا حورۆاتيا، دانيا مەن نورۆەگيادا وتەتىن 4 قۇراما الەم چەمپيوناتىنا جولداما الادى.
ايتا كەتەلىك، قازاقستان كومانداسى اراعا 29 جىل سالىپ، قۇرلىق باسەكەسىندە ب ا ق سىنايدى. سوڭعى رەت گاندبولدان ەرلەر كومانداسى 1994 جىلعى ازيا بىرىنشىلىگىنە قاتىسىپ، 8-ورىن يەلەنگەن.