بۇل تۋرالى ق ر تجم سەيسمولوگيالىق باقىلاۋ جانە زەرتتەۋ ۇلتتىق عىلىمي ورتالىعى ديرەكتورىنىڭ ورىنباسارى نۇرسارسەن وزبەكوۆ ايتتى، دەپ حابارلايدى Almaty-akshamy.kz.
«بۇل ماسەلەگە قاتىستى ءقازىردىڭ وزىندە سەيسمولوگتار ازىرلەگەن حالىقارالىق شكالا بار - مسك-64 شكالاسى. وسى شكالا بويىنشا عيماراتتار مەن قۇرىلىستاردىڭ ايتارلىقتاي 7 بالدان باستالادى. سوندىقتان الماتى قالاسى ءۇشىن جەردىڭ جاعدايىن ەسكەرە وتىرىپ، 7 باللدان جوعارى جەر ءدۇمپۋىن ءقاۋىپتى جانە جويقىن دەپ ساناۋعا بولادى»، - دەدى نۇرسارسەن وزبەكوۆ الماتى قالالىق توتەنشە جاعدايلار دەپارتامەنتىندە وتكەن بريفينگىدە.
سەيسمولوگتىڭ سوزىنشە، 7 باللعا دەيىنگى جەر سىلكىنىسى قالا ءۇشىن ءقاۋىپتى ەمەس.
«2-3 بال جەر سىلكىنىسى سەزىلەدى. 4-5 بالل - عيمارات سىلاقتارىن ءتۇسىرىپ، زاقىمدايدى. بۇل ءقاۋىپتى ەمەس. 7 بالدان باستاپ شارا قولدانۋ كەرەك، بارلىق عيماراتتى جەر استى ءدۇمپۋى اسەرىنە قاراي ەسەپتەپ، دايىنداۋ كەرەك»، - دەدى مامان.